Mirça Rednikin gizli silahı – metodiki hazırlıq...

"Xəzər Lənkəran” komandasının futbolçuları noyabrın 21-də "Fırtınalar Meydanı”nda  "Muğan”la oyundan sonra bir günlük istirahətə buraxılmışdı.

 Noyabrın 23-də bir araya gələn futbolçular bir saatlıq məşqdən sonra yenidən istirahət ediblər. 

Noyabrın 24-də  komanda bir neçə zədəli futbolçu istisna olmaqla  bütün heyətlə məşq edib. Axşam saatlarında komandaya yaxın mənbə ilə əlaqə saxlayıb məlumat əldə etdik ki, axşam saat  20:00-dan başlayaraq  futbolçular  "Bakı”  ilə oyun öncəsi  məşqçilər korpusunun  metodiki tapşırıqları ilə tanış olurlar. Azərbaycan futbolunda ilk dəfə bu metodiki dərsləri Mirça Rednik tətbiq edir. Bu vasitə ilə məşqçilər korpusu, futbolçuların da  rəyi nəzərə alınmaqla rəqib komandanın zəif yerləri təyin edir. Komandanın növbəti səfər oyunu öncəsi rəqib komanda bütün xırdalıqları ilə analiz edilir. Nəzəri cəhətdən hazırlanmış planın tətbiqi ilə sabah səhər  məşqinin bir hissəsi  keçiriləcək. Məşqin ikinci yarısı fiziki hazırlıq və ənənəvi taktiki plana uyğun davam edəcək.