"MOİK – "Xəzər Lənkəran” oyununda komandamız qələbə qazanmağa  borcludur. Eyni zamanda,  rəqib komandanın futbolçularının əzmkarlıqla mübarizə aparacağı yəqinləşib deyə biz xal qazana bilməyəcəyimizdən qorxmamalıyıq. Çünki, MOİK komandası turnir cədvəlindəki  yeri ilə indiyə qədər nəyə qadir olduğunu göstərmişdir. Eyni ilə "Xəzər Lənkəran” komandası da turnir cədvəlinə liderlik etdiyinin təsadüfdən olmadığını   hətta zəif rəqiblə olsa belə nümayiş etdirməlidir. Gəncə şəhər stadionunda keçiriləcək "Gəncə” – "Neftçi” oyununun hansı hesabla nəticələnəcəyindən asılı olmayaraq, "Xəzər Lənkəran”  minimal  hesabla olsa da MOİK üzərində qələbə qazanmalı və ilin son oyununda "Qarabağ”a qarşı xüsusi motivasiya ilə çıxmalıdır. Oyunun baş hakimi Rauf Cabbarov da diqqətdən yayınmamalıdır. Hələ ötən mövsüm "Xəzər Lənkəran” və "Muğan” klublarının  əvəzediciləri arasında Lənkəranda  keçirilən oyunda onun hansı  oyunlardan  çıxması unudulmayıb...

Əgər bu dəfə qərəzsiz  və ədalətli  hakimlik olarsa komandamız uğurlu nəticə ilə Lənkərana dönə bilər.

İnanırıq ki, Şəfa” stadionunda futbolçularımıza dəstək olacaq azarkeşlərə  və Lənkərandakı  minlərlə azarkeşə 90-dəqiqənin sonunda qələbə sevincini bölüşmək qalacaq.

Uğurlar sənə "Xəzər Lənkəran” !