Ana Səhifə» 2009 » Oktyabr » 6 » Məzunlar Fazil Əsədovun bagışlanmasını istəyir.
21:16
Məzunlar Fazil Əsədovun bagışlanmasını istəyir.
Məzunlar Fazil Əsədovun bagışlanmasını istəyir. Hörmətli Rövnəq müəllim! Biz, Lənkəran şəhər 10 saylı orta məktəbin 1992-ci il məzunları AFFA prezidenti olaraq sizə müraciət edib, Unibank Premyer liqasının əvəzedici komandalarının çempionatında 5-ci tur çərçivəsində keçirilən “ Xəzər Lənkəran”- “ Muğan” matçında baş verən hadisələrdən sonra AFFA Nizam İntizam Komitəsinin çıxardığı qərəzli qərardan təəsüfləndiyimizi bildiririk. Belə ki, qərarda deyildiyi kimi ehtiyat oyunçular skamyasından qovulduqdan sonra azarkeşlərin arasında oturmayan və azarkeşləri təxribata çəkməyən cənub klubunun baş məşqçisi Fazil Əsədov ( bunu subut edən videolent var) əsassız olaraq iki illiyə futboldan uzaqlaşdırılıb. Fazil Əsədov bizim təhsil aldığımız illərdə “bədən tərbiyə” müəllimiz olub. O bizə heç vaxt meydanda hakimlə mübahisə etməyi azarkeşləri təxribata çəkməyi tədris etməyib. Əksinə məhz onun və Əsədov kimi vətənpərvər müəllimlərimizin aşıladığı tərbiyə sayəsində biz məzunlar parta arxasından durub Qarabağa, Vətən torpaqlarının müdafiəsinə yollanmışıq. Hər dəfə məzuniyyətə gələndə bizimlə görüşən Fazil müəllim problemlərimizlə maraqlanıb bizi qələbə kökündən ayrılmamağı tapşırıb. Azərbaycanın keçmiş tanınmış futbolçusu, ilk dəfə UEFA turnirlərində iştirak edən və Azərbaycan çempionatlarında ən çox qol vurmuş lənkəranlı Fazil Əsədov bu gün azərbaycanın ən gənc və perspektivli məşqçilərindən biri və birincisi sayılır. Onun haqqında çıxarılan əsassız, birtərəfli və qərəzli qərar Azərbaycan Respublikası Prezidenti cənab İlham Əliyevin idmana və gənc mütəxəssislərə ayırdığı diqqətlə qayğıya tərs mütənasibdir. Biz inanmaq istərdik ki, məhz siz AFFA prezidenti kimi məsələyə yenidən baxıb Fazil Əsədovun əfv olunmasını təmin edəcəksiniz. Biz buna inaniriq! Müraciəti imzalayanlar: Nazim Əsədov Famil Əhmədov Nəsimi Həsənov Elşən Cəbiyev Hikmət Hüseynov Anar Məmmədov Elşən Ağayev Samid Abbasov Azər Bağırov İlkin Məmmədov Xalid Səlimli Nazim Səmədov
