Ana Səhifə» 2010 » Oktyabr » 12 » Ən çox sevilən "Xəzər Lənkəran"...
19:04
Ən çox sevilən "Xəzər Lənkəran"...
Unibank Premyer Liqasında ikinci fasilə yaranıb ki, bundan istifadə edən klublar arxada qalan 8 turda nəzərə çarpan çatışmazlıqlarını həll etməklə məşğuldur. Futbol azarkeşləri isə bir müddət intizarda olacaq. Çünki onlar iki həftəlik dövr ərzində yığmanın Bakıdakı yeganə oyununu izləmək imkanı əldə edəcək. Azarkeşlərin sevimli komandaları üçün darıxması isə heç də bütün klublara aid deyil. Axı əksər klubların vur-tut 100-1000 aralığında fanatı var ki, onlar da stadiona heç də həmişə gəlmir. Bəs görəsən, Premyer Liqamızda ən çox sevilən klub hansıdır? Əslində artıq 6 ildən artıqdır ki, bu sualın cavabı hamıya məlumdur. Sadəcə cari mövsümün arxada qalan oyunlarında nəyinsə dəyişib-dəyişmədiyinə baxmaq maraqlı olardı.
Mövsümün ən çox tamaşaçı toplayan 7 oyununun siyahısına baxdıqda hər şey gün kimi aydın olur. Azərbaycan çempionatının Lənkəranda baş tutan 4 qarşılaşması ilk 4 pilləni "zəbt edib”. Bu göstəricidə 5-ci olan oyunlarla fərq o qədər böyükdür ki, sanki "Xəzər Lənkəran”a rəqib yoxdur.
2010/11 mövsümündə Unibank Premyer Liqasının ən çox tamaşaçı toplayan 7 oyunu
Yer Tarix tur Meydan sahibi Qonaqlar Hesab Tamaşaçı
1 21.08.2010 3 Xəzər Lənkəran İnter 0:0 13500
2 02.10.2010 8 Xəzər Lənkəran Bakı 1:1 12000
3 25.09.2010 7 Xəzər Lənkəran Neftçi 1:0 11000
4 07.08.2010 1 Xəzər Lənkəran Qəbələ 1:0 9000
5 07.08.2010 1 Gəncə Simurq 1:1 5000
5 21.08.2010 3 Gəncə AZAL 1:1 5000
5 26.09.2010 7 Gəncə İnter 1:0 5000
Onu da qeyd edək ki, "Xəzər Lənkəran”ın doğma stadionunda keçirdiyi 4 oyunu 45 min 500 tamaşaçı izləyib. Mövsümün baş tutan 47 oyununda 105 min 230 nəfər stadionlardan qarşılaşmalara şahidlik edib. Bu isə o deməkdir ki, Premyer Liqa azarkeşlərinin 43,2 faizi Lənkəranda keçirilən matçları seyr edib.
