Saytımızı daim izləyən azarkeşlərin nəzərinə çatdırırq ki, hazırda öz hesabımıza saytımızın yeni veb versiyasını  hazırlamaqla məşğuluq. Yaxın günlərdə sayt hazır olandan sonra yeni dizaynlı və yeni iş mexanizmli veb versiyası ilə tanış olacaqsınız. Bir neçə variant mövcud olsa da biz yalnız ümumi azarkeş kütləsinin mənafeyinə xidmət edə biləcək versiyanın üzərində qaldıq. Hətta ev şəraitində ən zəif sürətli internet şəbəkəsi vasitəsi ilə də yeni saytımıza daxil ola bilmək imkanı olacaq. Hazırda fəaliyyət göstərən və mobil telefonlar üçün nəzərdə tutulan  saytımızın vap versiyasına da  istənilən brauzerlə  daxil olmaq mümkündür.

Bizim saytımız ölkədə yeganə saytdır ki, "Xəzər Lənkəran”ın bütün ev  oyunları öncəsi keçirilən məşqlərini, həmçinin  komandanın qarşılanma və təqdim etmə mərasimlərini  fotoreportajlarla işıqlandırır. Razılaşmaq lazımdır ki, hətta futbol klublarının rəsmi internet saytları belə komandaların məşqlərindən məlumatları  bizim qədər azarkeşlərə təqdim edə bilmir.  Bizim saytımız "Fırtınalar meydanı”ndan fotoreportajlar hazırlayaraq meydançanın ot örtüyündən ən operativ məlumatlar yayır, ölkənin ən böyük azarkeş kütləsinin 90-% nin məskunlaşdığı Lənkərandan bütün dünyaya ayaq açır...

Biz bacardıqlarımızı edirik, biz nə ediriksə öz gücümüzə edirik. Biz çörək pulumuzu internet klublarda xərcləyə- xərcləyə  saytımızı saxlayırıq. Bizim geniş imkanlarımız olmasa da geniş ürəyimiz var.

Bu ürəkdə hətta paxıllığımızı çəkənlərə də yer tapılar...