Ana Səhifə» 2010 » Aprel » 28 » “Neftçi” – “Xəzər Lənkəran” oyununa 2-gün qalmış Lənkəranda...
18:18
“Neftçi” – “Xəzər Lənkəran” oyununa 2-gün qalmış Lənkəranda...
“Neftçi” – “Xəzər Lənkəran” oyununa 2-gün qalmış Lənkəranda hamı bu oyundan danışır və “Xəzər Lənkəran”ın qələbə çalmaq şanslarını dəyərləndirilər.Lənkəranlı futbol azarkeşlərinin maraqla gözlədiyi matç öncəsi Lənkəranda maraqlı bir layihə gerçəkləşdirmək qərarına gəldik.Lənkəranda “Neftçi” fanatlarının ovuna çıxdıq.Çox çətin işin öhdəsindən gəlmək lazım idi.Lənkəranın müxtəlif yerlərində “Neftçi”liləri axtarsaq da yalnız Lənkəran bazarında tapa bildik, özü də cəmi bir nəfəri.Onun adı İlham soyadı Mirzəyevdir.Lənkəran bazarının əsas giriş qapısının yaxınlığında “kişi alt paltarı”nın alveri ilə məşğuldur.Söhbətimiz pis alınmadı və əvvəldən axıra qədər “Neftçi” bizim “Flaqman”ımızdır deyən İlham bəy,uca səslə danışmağı xoşladığını gizlətmirdi.Düzdür hərdən bir,ətrafa boylanan Lənkəranlı “Neftçi” fanatının,ehtiyatı əldən vermək istəmədiyini də davaranışından sezmək mümkün oldu.Elə söhbətimizin şirin yerində Hüseyn Cəbrayıloğlunun yazılarının qəhramanı “Futbol +” qəzetində dəfələrlə adı çəkilən və əvvəllər “Neftçi”nin fanatı kimi tanınan məhşur arabaçı Mirzə kişi də bizə qoşuldu.
Gənc “Neftçi”li ilə keçmiş “Neftçi”linin mübahisəsini birtəhər sakitləşdirdik.Mirzə kişi, İlham bəyə 30-illik “Neftçi” azarkeşi olmasından və sonradan 30-ilini heçə verdiyini anladığından danışdıqca, biz də onların ayrı ayrılıqda şəkillərini çəkməyə çalışdıq.Sonda onların arasında baş verən mübahisə qarşılıqlı atmacalarla sonuclandı.