Antaliyada təlim məşq toplantısında olan "Xəzər Lənkəran” komandasının yanında "Futbol+” qəzetinin bölgə müxbiri Hüseyn Cəbrayıloğlu varsa, deməli komandanın məskunlaşdığı "Qloriya” otelindən biz  maraqlı xəbərlər eşidəcəyik. Elə birinci belə xəbəri bu gün eşitdik də…

Otelin foyesində Türkiyənin "Beşiktaş” klubunun eləcə də Türkiyə millisinin aparıcı futbolçusu Nihat Kahfeçi ilə rastlaşan Hüseyn Cəbrayıloğlu, onun və digər komanda yoldaşlarının karyeraları, son matçlardakı çıxışları barədə dəqiq məlumatı olması ilə ətrafdakıları təəcübləndirib.

Hələ  "Real Sosyedad” klubundakı çıxışı zamanı yaddaqalan epizodlardan danışarkən, Nihat bundan çox məmnun qalıb və zarafatla ətrafındakı yoldaşlarına "Ulan, görmüyormusunuz, məndən nələr söyluyor. Durun, əlimdən öpün!” deyib.

Bununla kifayətlənməyən Hüseyn Cəbrayıloğlu bir neçə dəqiqə sonra isə "Beşiktaş”ın daha bir ulduz futbolçusu  Qutini də eyni vəziyyətlə təəcübləndirə bilib. Azərbaycanlı jurnalistin bunca məlumatlı olmasından razılıq ifadə edən  Xose Mariya Qutierres Ernandes – Quti,  böyük məmnuniyyətlə Hüseyn bəylə şəkil də çəkdirib.