21 oktyabr 2009-cu il saat 16:15 Bakı şəhəri “Şəfa” stadionu. 3-cü turdan təxirə salınan “Olimpik-Şüvəlan” – “Xəzər Lənkəran” oyunu bu məkanda, bu zamanda start götürəcəkdi. Azarkeşlər həyəcanla gözlədiyi bu anda artıq göstərilən məkanda öz yerlərini tutmuşdular. Bəli, həmin məkanda və həmin zamanda baş hakim Elçin Məmmədovun start fiti ilə “Olimpik-Şüvəlan” – “Xəzər Lənkəran” oyunu başlamış oldu. Hər iki komanda öz oyun üslubları ilə ilk dəqiqələrdən mübarizəyə qoşuldular.
Təbii ki, komandamızın hücum futbolu sərgiləyəcəyi ilk dəqiqələrdən hiss olunurdu. Əvvəlcə 2 hücumçu, az sonra isə 3-cü hücumçunu da oyuna atan komandamız hücumlarının kəsəriniı artırıb, bunu qolla tamamlamaq istəyində olduğunu nuümayiş etdirmək və oyunda sürəti artırmaq niyyətində olduğu aydın görünürdü. Təbii ki, sürətli oyuna rəqibin dözməyəcəyi aydın idi. Lakin bu oyunun artan tempdə davam etməsinə, sürətli və maraqlı keçməsinə baş hakim Elçin Məmmədov oyuna tez-tez müdaxilə etməklə mane olmağa başladı. Sürətli oyunu idarə etmə bacarığının olmaması və oyuna nəzarətin itəcəyindən qorxan baş hakim, yeri gəldi-gəlmədi tez-tez fit çalıb vərəqə göstərməyə başladı. Bununla da oyunda artan temp getdikcə səngiməyə və maraqsızlasşmağa başladı.
Yenə hakim səriştəsizliyi daha bir oyunumuzun bərbad olmasına səbəb oldu.. Biz burda rəqibin qələbəsinə kölgə salmaq niyyətində deyilik. Amma nəyə görə bu səriştəsiz hakimlər Azərbaycan futbolunu pis vəziyyətə salır, futbolumuzu inkişafdan saxlayır. Kimdi bunlar!?
Nəyə görə ölkə prezidentindən tutmuş AFFA-nın bir neçe qurumları futbolun inkişafı haqqında qərarlar verib, programlar hazırlayır, layihələr həyata keçirir, belə səriştəsiz hakimlər və səriştəsiz hakimlər komitəsi onların işlərinə mane olurlar!?
Harda görünüb ki, hakimlər komitəsinin sədri kənardan qulaqcıqola oyun gede-gede baş hakimi idarə etsin və qərarlarına istiqamət versin? Belə hakimlər komitəsi Azərbaycan futboluna zərbə vurmaqdan başqa bir şey edə bilməyəcək!
Hətta bu matçın teleaparıcısının da dəfələrlə hakimin qərarlarına iradı varsa, bu nə deməkdir?
Belə hakimlik dünyanın ən aparıcı ölkələrinin belə futbolunu bərbad hala salar.
Nə Barcelona, Real, nə Liverpul, Celsi, nə Yuventus, Milan, nə də başqa məşhur futbol klubları belə hakimliklə öz oyunlarını göstərə biler. Cünki kombinasiya qurulmağa başlayan andaca fit verib oyunu saxlamaqla hansı komanda oyun göstərə bilər!?
Buna görə də “Xəzər Lənkəran”ın bu oyunu sönük keçilməsi fikri ilə razı deyilik. Biz Azərbaycan futbolunun inkişafına mane olan belə hakimləri və hakimlər komitəsini başda Xaqani Məmmədov olmaqla məsuliyyətli olmağa cağırırıq. Əks halda daha yüksək qurumlardan oyunlara əcnəbi hakimlərin dəvət olunmasını tələb edəcəyik.
Hansı məsul beynəlxalq oyunlarda bizim FIFA dərəcəli hakimlərimiz idarəçilik etmişler??? Ancaq 3-cu,5-ci dərəcəli oyunlarda.
Hanı bizim Tofiq Bəhramovlarımız, Eldar Əzimzadələrimiz?
Allah onlara rəhmət eləsin!

P.S. və sonda baş hakim Elçin Məmmədov azarkeşler tərəfindən öz qiymətini aldiı. Qaldı hakimlər komitəsinin verəcəyi qiymət.