A bayquş, bir bilsən futbolumuza nə qədər lazımsan...

    Sənin lələklərin neçə-neçə gözə girdi, sənin əyri dimdiyin aramızda olan  əyriləri üzə çıxardı, sənin iri gözlərinlə göründü futbolumuzun zülmətlərində gizlənən yaltaqlar, xəyanətkarlər, ikiüzlülər...

Qədəmin xeyirli olmasın, ulamağın düşərgi olmasın "Neftçi” üçün  a bayquş...

Sən buralarda qaldığın vaxtda biz də pis əməllərimizdən çəkinəcəyik və anlayacağıq ki, biz vətəni sevə bilməmişik "UltraNeftçİ” fan klubu qədər. Azərbaycan sözünü bir cümlədə 3-dəfə deyəndə ağzımızdan köpüklər heç vaxt sıçramayıb ətrafa adı çəkilən fan klubun fəalları kimi...

Üçrəngli bayrağı başımız üzərinə qaldırıb özümüzü  "Patriot”  filminin baş qəhrəmanına vətənpərvərlikdə oxşada bilməmişik,  sonra da qəsbkarlardı deyib kimləri isə daşqalaq etməmişik, biz bunu bacarmarıq da "Flaqman” fan klubu qədər...

Biz qələm sahiblərinə qələminə hörmət etməyi məsləhət görə  bilməmişik, bilmərik də heç Elnur Əşrəfoğlu siyasəti ilə...

Biz heç Tahir Süleymanov qədər də olmadıq !

A bayquş gəl, harada qaldın, sən  yolda ikən nələr oldu buralarda heç xəbərin varmı ?

Sən gəlməmisən hələ  bunlar saç yolurlar, gəl, gəl, üzlərini də çıracaqlar sənin gəlişindən sonra...

Gəl  və bunların halına ula, gözlərini bərəlt bir az, qorxut bir az, bizə isə baxmasan da olar. Axı biz nə "Ultra Neftçİ”, nə "Flaqman” fan klubları qədər olmadıq, heç Elnur Əşrəfoğlu siyasətinin ardıyca baxa bilmədik də...

Ən böyük faciə isə odur ki, biz heç Tahir Süleymanov qədər də olmadıq !

P.S. A bayquş, sən ulayanda  U....  deyirsən ya sadəcə "Neftçi” deyiban ulayırsan,  hıy ?

Müsafir Qələm.

Bu xəbəri saytımızın wap versiyasında da izləyə bilərsiniz wap.12cioyuncu.info