Premyer Liqanın XII turunda doğma meydanda "Xəzər Lənkəran” komandasını qəbul edən "Qəbələ” Lyuba Baraninin yeganə qolu ilə rəqibini məğlub etdi - 1:0.

Mirça Rednik, "Xəzər Lənkəran” klubunun baş məşqçisi: ""Qəbələ” komandasını təbrik edirəm. Həqiqətən də, bu gün meydanda əsl mübarizə apardılar. Müdafiədə bir səhv buraxdıq və qapımızda qol gördük, məğlub olduq. Əsas hücumçumuz Uinston Parks zədələndiyindən onu əvəz etdik. Ümidimiz Xaqani Məmmədova idi, lakin onun praktikası az olduğundan oyunu yaxşı alınmadı. "Qəbələ” klubuna uğurlar arzu edirəm. Bu gün bizim günümüz deyildi”.

Toni Adams, "Qəbələ” klubunun baş məşqçisi: ""Xəzər Lənkəran” kimi güclü bir komandaya qarşı oynadıq. Bilirdik ki, çətin oyun olacaq. Ötən turda "Qarabağ”a qalib gəlmişdilər. Müdafiədə yaxşı oynadıq, qalib gəldik. "Xəzər Lənkəran” komandasına qarşıdakı oyunlarda uğurlar arzu edirəm”.