"Neftçi” komandası   sentyabrın 24-də  "Fırtınalar Meydanı”nda oyun öncəsi son məşqinə çıxdı. "Xəzər Lənkəran”dan fərqli olaraq qonaq komandanın məşqi qapalı keçirildi.Bunu görən yerli  azarkeşlər  "Fırtınalar Meydanı”nın qarşısında  qalaraq  "Böyük oyun”  öncəsi informasiya bölgüsü ilə məşğul oldular. "Neftçi”  klubunun yerli azarkeşlərə yaxınlaşan bir neçə mühafizəçisi sanki Lənkəranlı azarkeşləri qorxutmaq üçün  "Böyük oyun”  günü  Bakıdan 50-nəfər polis əməkdaşının gələcəyini xüsusi vurğu ilə dedilər.Lakin bu söhbətlərini davam edən cənublu azarkeşlər üçün maraqlı xəbər olmadı.Onu da qeyd edək ki, "Neftçi”  klubu sayca  çox vvə gücləndirilmiş mühafizə sistemi altında  Lənkərana gəlib.Hər hansı adi bir hərəkətə  çevik reaksiya verən qonaq mühafizəçilər kənardan bəzən gülməli  görünürdülər.Amma bunu onlar yox, sadəcə qonaq komandanın son məşqinə baxmaq həvəsində olan və futbolla yaşayan Lənkəranlı azarkeşlər hiss edə bildilər.