Oyunun birinci hissəsi haqda məlumat verilmişdi,indi isə ikinci yarı haqda.
Fasilədən sonra Moskvalılar daha fəal idilər və üstün oyun nümayiş etdirirdilər.Rəqibin 17-yaşlı futbolçusu Xodırev diqqət çəkir və bizim futbolçuları rahat buraxmırdı.Məhz bu futbolçu keçən il “Spartak”ın dublunda çıxış edirdi.Onun iştirak etdiyi hücumlardan biri qapımıza vurulan ikinci qolla nəticələndi.Kramarenko isə öz növbəsində Braziliyalı duet olan Aleks və Velitonun qəniminə çevrilmişdi,onların rahat ayaq açıb oynamasına mane olur,cərimə meydançasına istiqamət alan bütün asmalara vaxtında irəli çıxıb topun onlara çatmasının qarşısını alırdı.Əks hücum cəhdi Lənkəranlıların ifasında az-az olurdu.Belə əks hücumların birində Lallin, “Spartak”ın qapıçısı Pesyakovla təkbətək çıxır və şansını dəyərləndirir.Bundan qəzəblənən Moskvalıların hücumlarının ardı arası kəsilmək bilmirdi.Hətta rəqibin mərkəz müdafiəçisi də irəli atılaraq hücuma qoşulurdu.matçın sonuna qədər bir neçə dəfə komandasını real qoldan xilas edən Kramarenko son saniyələrdə Vellitonun texniki fənd tətbiq edərək qol vurmasına mane ola bilmədi.Beləcə “Xəzər Lənkəran” Türkiyədəki 3-cü yoxlama oyununda məğlub oldu.

Futbolun tarixi və statistikası Beynəlxalq federasiyasının(İFFHS) yaydığı dünyadakı futbol klublarının reytinq cədvəlində Spartak 278 xalla 26-cı yerdədir.Bu siyahıya görə postsovet məkanındakı futbol klubları arasında 1991-ci ildən 2009-cu ilə qədər dövr üzrə Moskvanın “Spartak” klubu birinci yeri tutub.İkinci yerdə gedən “Dinamo Kiyev” ümumi siyahıda 48-ci yerdə(167 xal),”Şaxtyor” 64-cü yer(131-xal).