Rumın mətbuatı Mirça Rednik haqqında gün ərzində müxtəlif məlumatlar yayır. İnternet saytları,  idman qəzetləri və fanat jurnallarının səhifələri Rednikin fikirləri ilə bəzənib.

"Fanatik” jurnalı Mirça Rednik: "Azərbaycanda hər bir sahəyə olduğu kimi  idmana xüsusən də futbola külli miqdarda sərmayə qoyulur. İnkişafa doğru müəyyən addımlar atılmaqdadır. Gənclərin heyətdə oynamasını hamı istəyir. Stadionların tikintisi ilə məşqul olurlar. Mən buraya çempion olmaq üçün gəlmişəm və istəyimdən dönmək fikrim də yoxdur.Komandamda çoxlu dəyişiklik etmişik. Müxtəlif futbolçuları  baxışa çağırmışıq, elə qapıçıya da ehtiyacımız var. Vacta Kosmini qaytarandan sonra mən Florin Mataçe ilə danışmışam, indi onun "Kluj”  rəhbərliyi ilə danışmaqda israrlı olması şərtdir. Mənim komandamda güclü qapıçı var və o milli komandanın da qapısını qoruyur. Buraya ikinci qapıçı gətirmək istəyirəm.”