"Fırtınalar Meydanı” daxili qoşunların hücumuna məruz qaldı ?

Dekabrın 21-də səhər saatlarında Lənkəranın hər yerində qeyri adi bir xəbər yayıldı. "Fırtınalar Meydanı”nı bütün istiqamətlərdən daxili qoşunların əsgərləri tərəfindən mühasirəyə alındığı barədə məlumat Lənkəranda ildırım sürəti ilə yayıldı. Məlumatda daha sonra deyilirdi ki, stadion ərazisində dəyənək və qorunma qalxanları ilə silahlanmış əsgərlər, xüsusi öyrədilmiş itlərin köməkliyi ilə tribunalarda axtarış aparırlar.

Təbii ki, biz bu xəbrələri dəqiqləşdirmək üçün stadiona yollandıq. Lakin biz stadiona çatanda orada heç bir əsgər də yox idi. Daxili qoşunların birləşmələri artıq stadion ərazisini tək etmişdilər. Sonradan öyrənə bildik ki, bu hadisə sadəcə daxili qoşunların hissələrinin xüsusi hazırlıq prossesi çərçivəsində keçirilən adi bir təlim imiş. Oyunlar zamanı baş verə biləcək hər hansı təxribatların qarşısını alınması üçün nəzərdə tutulan təlim prossesi sona çatdıqdan sonra biz də saytımız vasiətəsi ilə  bu məlumatı azarkeşlərə təqdim etməklə qabaqcadan  yayıla biləcək şaiələrin qarşısını almağa çalışdıq.