“Xəzər Lənkaran” böyük ailədir və bu ailənin müxtəlif yaş qrupları üzrə top qovan futbol komandaları da vardır.Gənclər arasında istedadlı və gələcəyin parlayan futbolçuları az deyil.Saytımızda onlar haqda tez-tez məlumatlar verilirdi.Hətta saytımızın forumunda "uşaq futbolu" adlı mövzu açılmışdı və orada azarkeşlər fikir mübadiləsi aparırdı.Lakin bir müddət öncə saytda baş verən dəyişkliklər,daha doğrusu saytımıza olan hücumlar sonrası ümumilikdə forum bölməsi dağıdıldı.Bu səbəbdən də gənc futbolçular haqda mütəmadi olaraq saytımızın ana səhifəsində məlumatlar verəcəyik.
“Xəzər Lənkaran”ın 3-yaş qrupunda mübarizə aparan komandaların son durumu haqda xəbərləri təqdim edirik.
“Xəzər Lənkaran” - uşaq futbolunda son vəziyyət.
17- yaş qrupu üzrə:
Son turdan sonra kamanda 10-cu sırada qərarlaşıb və ilk pillə ilə arasında 25 xal fərqi var.Oyunların bitiminə 9 tur qalıb,gənclərimizin hər hansı bir yer ücün mübarizə apara bilməz.Oynadığı oyunlarda 6 qələbə,4 bərabərlik və 9 məğlubiyyət almışdır.Rəqib qapılarından 16 top keçirən gənclər öz qapılarından 30 top buraxıb.
15-yaş qrupu üzrə:
Bu yaş üzrə iki qrup olduğundan ilk 4 pilləni tutan komandalar növbəti mərhələyə vəsiqə qazanacaq.28 xal toplayan 15-yaşlı gənclər 5-ci sırada yer alırlar.Lənkarandakı keçerdiyi ilk oyunda uduzduğuna görə eyni xal toplayan “Mtk Araz” 4-cü sırada yer alır.Bu qrup üzrə gənclərin şansı davam edir.15 turdan sonra 9 qələbə,1 bərabərlik,5 məğlubiyyət alınmışdır.
13-yaşlı qrup uzrə
Hal hazırda 3-cü pillədə qərarlaşan gənclər, oyunlar başa çatmamış növbəti tura vəsiqə əldə edə biliblər.Bu yaş qrupunda da ilk 4 pilləni tutan komandalar növbəti tura vəsiqə qazanacaqlar.13-yaşlılar 16 oyuna 14 qələbə,2 məğlubiyyət ilə son oyununa çıxacaqlar.
Məlumatları, daim “Xəzər Lənkaran” ın uşaq futboluna yaxından maraq göstərən və br çox səfər oyunlara gedərək gənclərimizin rəqib meydanda da çıxışını izləyən Nail İsmayılov təqdim etdi.
