"Xəzər Lənkəran” komandası  "Gəncə” ilə oyun öncəsi dekabrın 10-da saat 15:30-da stadionun yardımçı meydançasında axşam məşqinə çıxdı. Dünən keçirilən məşqdə olduğu kimi bütün futbolçuların qatıldığı məşqi çoxlu sayda azarkeş izlədi ki, onlara əvəzedicinin oyununa tamaşa edən  və oyun bitincə əsas heyətin məşqini  izləməyə gələn  digər azarkeşlər də qoşuldular. Əvəzedici heyətin məğlub olması onların əhvalını korlamışdı. Amma əsas heyətin düşərgəsində olan yüksək ab hava elə məşqi izləyənlərə də müsbət təsir göstərdi. Məşq sonrası gördüklərimiz  belə düşünməyə əsas verirdi...