AFFA-nın da bəyəndiyi plana əsasən PFL 2011-ci il üçün xüsusi plan hazırlayıb. Plana görə "Neftçi” klubu Azərbaycan çempionu olmalıdır. Premyer liqanın ikinci dövrəsinin son üç oyunu düşünülmüş şəkildə qurulub, bu da "Neftçi”nin xeyrinə hesablanmış bir addımdır. Zəif rəqiblərlə rastlaşacaq "Neftçi”dən fərqli olaraq, "Xəzər Lənkəran” çətin komandalarla mübarizə aparmaq məcburiyyətində qalacaq və beləcə xal itirməklə turnir cədvəlində liderliyi ələ keçirmək imkanlarını boşa verəcək. Əvəzində "Neftçi” isə hakimlərin yardımına ilk 6-lığın oyunlarında da arxalana biləcək. Əvvəlcə hər iki  komandanın ikinci dövrədə keçirəcəyi son 3 oyuna diqqət yetirək:

"Neftçi” – "Xəzər Lənkəran”

"Xəzər Lənkəran”

Simurq” – "Neftçi”

"Neftçi” – MOİK

"İnter” – "Xəzər Lənkəran”

Bu oyunlarda "Neftçi”  6-xalını artıq indidən qazanmış kimi görünür ("Neftçi” – "Xəzər Lənkəran” oyununu nəzərə almasaq)

  "Xəzər Lənkəran” isə 2 çətin rəqiblə oyunda maksimum xal toplamalıdır.

Ardıyca ilk altılığın oyunlarında komandalar "Neftçi”nin qurbanına çevriləcəklər. Premyer liqanın sonunda isə "Neftçi” klubu 71 xalla çempionluq sevincini yaşamalıdır. Ona çempionluq yarışmasında mane ola biləcək "Xəzər Lənkəran” isə müxtəlif maeələrlə rastlaşaraq turnir cədvəlinin ikinci pilləsi ilə qane olmaq məcburiyyətində qalacaq. Beləcə biz növbəti dəfə çempionatın sonluğunun qabaqcadan  hazırlanmış plana uyğun olduğuna  şahidlik edəcəyik.

Bu isə bizim futbolun özünəməxsusluğudur...