"Xəzər Lənkəran” artıq indidən transfer siyasətini qurulması işi ilə məşğuldur. Klub xüsusi bir plana uyğun olaraq komandaya yararlı olacaq futbolçularla danışıqlar aparır və bu iş demək olar ki, tam məxfi saxlanılır.  Beləki, Premyer liqada mübarizə aparan klubların hamısını geridə qoyacağı ehtimal olunan  "Xəzər Lənkəran”  klubunun transfer siyahısını əldə etmək hətta bizə də çətinlik yaratdı.  Bütün kanallardan istifadə edərək adları internet portallarında bəziyən Banel Nikolitsa,  Romeo Surdu, Osman Ndoye və Roberto Seçinadan əlavə hansı futbolçuların gətiriləcəyini öyrənməyə çalışsaq da bu mümkün olmadı. Kluba yaxın olan mənbələr də məlumatsız olunca anladıq ki, klub rəhbərliyi peşəkar yanaşma ilə yeni oyunçuların ovuna çıxıb. Əlbəttəki biz də bu işi yalnız alqışlaya bilərik.

Bu arada Rumınya mətbuatı  da dinc qalmır.  gsp.ro saytı,  Osman Ndoyenin arxasınca Tükiyə klublarının düşdüyünü,  konkret olaraq isə  "Manisaspor”  və  "Qaziəntepspor”un Seneqallı futbolçuya elçi düşməsini iddia edir. Amma ilk növbədə "Xəzər Lənkəran”  Ndoye ilə anlaşa bilər. Bunun üçün Mirça Rednik lazım olan məbləği də ödəməyə hazırdır. Əgər "Xəzər Lənkəran”la razılaşma baş tutmazsa o zaman adları çəkilən qardaş ölkənin klubları danışıqlara  başlaya bilərlər.