"Xəzər Lənkəran” - "Atırau” 1:2

Türkiyənin Antalya şəhərində  təlim-məşq toplanışında olan "Xəzər Lənkəran” bu gün ilk sınaq oyununda Qazaxıstanın "Atırau” klubu ilə üz-üzə gəlir.

Oyun  "Xəzər Lənkəran”ın məskunlaşdığı "Gloria ” otelinin meydançalarından birində  keçirilir. Məhz bu oyundan sonra baxışa gətirlən futbolçulardan hansının "Xəzər Lənkəran”da qalacağı məlum olacaq. Komandanın baş məşqçisi Mirça Rednik "Atırau” ilə yoldaşlıq oyununda komandanın düşərgəsinə baxışa gətirilən bütün oyunçuları sınamaq fikrindədir. Türkiyədən oyunun gedişi və nəticəsi haqqında məlumat əldə edən kimi saytımızda oxuculara xəbərləri təqdim edəcəyik. Xatırladaq ki, oyunun başlama saatı 17:00- göstərilir.

***************************

***************************

"Xəzər Lənkəran” komandası bu heyətlə meydana çıxıb: Kamran Ağayev, Elnur Allahverdiyev, Elvin Beçiri, Ruslan  Poladov, Muşad Nikolau, Andrey Muroşan, Joren Polenz, Əmirquliyev, Katalin Doman, Dusan Saviç, Qriqoryi Moisev.

Komandamız  oyunun 22-ci dəqiqəsində qapısında qol gördü. "Atırau”nun nigeriyalı futbolçusu Vito "Xəzər Lənkəran"ın  qapısından top keçirib. "Xəzər Lənkəran” 10 dəqiqə sonra tarazlığı bərpa edib. Jerom Polenz fərqləndi.

***************************

"Xəzər Lənkəran” komandasının heyətində ikinci hissədə bəzi dəyişikliklər oldu.  Elnur Allahverdiyev,Andrey  Muroşan və Joren Polenz fasiləsən sonra da oyunu davam etdirdilər. Kosmin Vatka, Adrian Skarlate, Florin Pit, Elnur  Abdullayev, Stenial Stanku, Anar Qasımov, Bruno Simao və Vlad Bujan meydana çıxaraq mübarizəni davam edirlər.

"Atırau”ikinci hissədə də hesabda  irəli çıxır. Oyunun 65-ci dəqiqədə"Atırau”nu futbolçusu  Aleynikov "Xəzər Lənkəran”ı qapısına daha bir top vurur...

Matç bu hesabla da bitdi. 

****************************

"Xəzər Lənkəran” ilk sınaq oyununda 1:2 hesablı məğlubiyyətlə barışmalı oldu. Əslində komandamız üçün bu oyunun əhəmiyyəti yalnız  ilk sınaq oyunu olduğuna görə idi ki, əhəmiyətsiz qələbədənsə yeni futbolçuların yoxlanılması mənasında böyük rolu oldu. Eyni zamanda yeni futbolçuların ümumi komandaya uyğunlaşa bilməsi işinə də müəyyən aydınlıq gəldi ki, bütün bunlar məşqçilər korpusu üçün daha çox maraq kəsb edəcəkdir. İstənilən halda biz azarkeşlər üçün sınaq oyunlarında deyil premyer liqa və kubok oyunlarında qələbə qazanılması daha vacibdir.