“12-ci oyunçu” azarkeş klubunun bir başa vasitəçiliyi ilə həyata keçiriləcək şouların alınmasında bir neçə fəal azarkeş böyük pay sahibidir.Hətta Lənkərandan uzaqda olan fəallar da bu oyun üçün xüsusi hazırlaşırlar. “Sədərək” ticarət mərkəzində çalışan fəal azarkeşlərdən Hacı Vüqarı nümunə kimi göstərmək olar. “Bakı” ilə oyunda tribunalradan atılacaq kağız lentlərin ümumi sayının 5000 olacağı haqda məlumat vermişdik.Bu lentlərin Hacı Vüqar tərəfindən təqdim olunmasını qeyd etməklə yanaşı bildirməliyik ki,məhz o, 50-ədəd üzərində “Xəzər Lənkəran” yazılmış köynəkləri də hədiyyələrə əlavə etmişdir.Hədiyyələr arasında olan 50-ədəd eyni köynəyin alınmasında da digər fəallar iştirak etmişlər.Bundan əlavə isə “Xəzər Lənkəran” klubunun rəhbərliyi azarkeşlərə paylanmsı üçün, “12-ci oyunçu” azarkeş klubuna 50-ədəd üzərində “12”-yazılmış köynəkləri də təqdim etmişdir.
Rusiyada yaşayan bir neçə Lənkəranlı futbol azarkeşi, “12-ci oyunçu”ya müraciət edərək “Bakı” ilə oyunda komandamızı qələbəyə səsləyəcək azarkeşlərə hədiyyələr verilməsində istəkli olduqlarını bildirmişlər.Oyunun başlanmasına qədər bu məsələ də müzakirə olanaraq,azarkeş klubunun vasitəçiliyi ilə hansı formada həyata keçirilməsinə qərar veriləcək.
“12-ci oyunçu” azarkeş klubu öz fəaliyyət proqramına sadiq qalaraq, fəal azarkeşlərin istək və arzularına uyğun addımlar atmaqdadır.Həyata keçiriləcək layihələrdə azarkeş klubu vasitəçilik edir və bütün xərclər təşkilat komitəsi tərəfindən diqqətlə qeydə alınır.Bu mənada 15-mayda keçiriləcək “Xəzər Lənkəran” – “Bakı” oyununda paylanacaq hədiyyələrin və nəzərdə tutulan layihələrin həyata keçirilməsi üçün xərclərin hesabını da aparırıq. “12-ci oyunçu” azarkeş klubunun vasitəçilik etdiyi işlərə ümumilikdə hələlik 1.800-manatın xərcləndiyini qeydə almışıq.Oyunun başlanmasına qədər bu rəqəmin daha böyük olacağı istisna olunmur.