Ana Səhifə» 2010»Avqust»13 » “Xəzər Lənkəran” daha bir transferi reallaşdırmaq üzrədir.
01:39
“Xəzər Lənkəran” daha bir transferi reallaşdırmaq üzrədir.
“Xəzər Lənkəran” daha bir transferi reallaşdırmaq üzrədir. Apasport.az saytının məlumatına görə, rumıniyalı baş məşqçi Mirça Rednik bu dəfə də vətənindən tanıdığı legioneri komandasına cəlb edir. Belə ki, “Timişoara” klubunun hücumçusu Uinston Parks (tam adı Uinston Antonio Parks Tifet) yaxın günlərdə müqavilə bağlamaq üçün ölkəmizə gələcək.
Rumıniya mətbuatının iddiasına əsasən, kosta-rikalı futbolçu ilə iki illik müqavilə bağlanacaq. Fasilələrlə 10 ildir çıxış etdiyi yığmada 28 oyuna 6 qol vuran 29 yaşlı Uinston Avropada kifayət qədər tanınır. İtaliyanın “Udineze” və “Askoli” klublarında çıxış etdikdən sonra Rusiyaya yollanan Parks əsas uğurlarını “Lokomotiv”də qazanıb. O, 2002-06-cı illərdə çıxış etdiyi “dəmiryolçular”la iki dəfə Rusiya çempionu adını qazanıb.
Premyer Liqada 64 matça 13 qol vuran Parks Rusiyada “Lokomotiv“dən başqa, “Saturn”un da şərəfini qoruyub. Çexiyanın “Slovan” klubunda oynadıqdan sonra Uinston vətəninə - Avropaya gələnədək top qovduğu “Alaxuelense”yə qayıdıb. Oradan “Timişoara”ye keçən kosta-rikalı 2008-ci ilin yayından Rumıniyada oynayır.
2002-ci ildə Kosra-Rika yığmasının heyətində dünya çempionatının final mərhələsində iştirak edən Parks mundialı bürünc medalla bitirən Türkiyə yığması ilə oyunda (1:1) qol vurub.
Mənbə:apasport.az
