Səfərdə MOİK üzərində  qazanılan asan qələbədən sonra "Xəzər Lənkəran” komandasının futbolçularına bir günlük istirahət verilib. Komanda dekabrın 20-də səhər saatlarında Bakıda bir araya gələcək və dərhal Lənkərana yollanacaq. Komandanı gətirən avtobusun saat 14:30-da "Fırtınalar Meydanı”na çatacağı gözlənilir. Dekabrın 23-də baş tutacaq "Xəzər Lənkəran” – "Qarabağ” oyununun hazırlığını Lənkəranda keçirəcək komanda Lənkərana çatandan təxminən saatyarım sonra saat 16:00-da stadionun yardımçı meydançasında axşam məşqinə çıxacaq. Məşqdən saytımız üçün fotoreportaj və məlumat xarakterli yazı hazırlamağı planlaşdırırıq.