Ana Səhifə» 2010»Aprel»23 » "Xəzər Lənkəran" - "İnter" 2:2
21:41
"Xəzər Lənkəran" - "İnter" 2:2
Premyer Liqanın XXIX turunda "İnter" Lənkəranda yerli "Xəzər Lənkəran" komandasının qonağı oldu. Hesabda iki dəfə geri düşməsinə baxmayaraq, oyunun sonlarına yaxın hesabı bərabərləşdirən "Xəzər Lənkəran" turnir cədvəlində liderliyini qorudu - 2:2.
Kaxaber Sxadadze, "İnter" klubunun baş məşqçisi: "Öz oyunçularımdan çox razı qaldım, istədiyim oyunu göstərdilər. Belə oyunlarda qabaqcadan kimin qalib gələcəyini demək olmur. Premyer Liqada çox maraqlı oyunlar keçdiyindən çempionun hansı komandanın olacağını əvvəlcədə bilmək olmur. Hər iki komandaya uğurlar arzulayıram".
Tofiq Mustafayev, "Xəzər Lənkəran" klubunun məşqçisi: "Komandadan razı qaldım. Birinci hissədə hesabda geri düşsək də, bərabərlik qolu vura bildik. Lakin ikinci hissədə qapımıza vurulan ikinci qoldan sonra oyunçularımızda ruh düşkünlüyü yarandı. Bütün bunlara baxmayaraq, komanda özünü toparlaya bildi və ikinci bərabərlik qolunu vurduq. Futbolçularımızı təbrik edirəm, "İnter"ə gələcək oyunlarda uğurlar arzu edirəm".
