“Xəzər Lənkəran” - “İnter” lə oyuna qeyri adi məşqlə hazırlaşır. - 20 Апреля 2010 - 12-ci oyunçu azarkeş qrupuun Rəsmi Veb Saytı

“Xəzər Lənkəran” - “İnter” lə oyuna qeyri adi məşqlə hazırlaşır.

Aprelin 20-də, saat 17-30-da “Xəzər Lənkəran” “Fırtınalar meydanı” nda məşqə çıxdı.Zədəlilər Junyor Osvaldo və Zabit Səfərovdan, həmçinin 21-yaşlılardan ibarət milli komandanın təlim məşq toplantısına qatılan Nizami Hacıyevdən başqa bütün futbolçular isinmə hərəkətlərindən sonra məşqə başladılar.Tribunalarda yerlərini alan azarkeşlərin diqqətini “Barselona” sayağı məşq çəkirdi.Beləki məşqçilərin göstərişlərinə uyğun olaraq futbolçular indiyə qədər görünməyən taktiki gedişləri və topu saxlamadan paslaşmanı elə “Barselona” sayağı həyata keçirirdilər.Azərbaycan premyer liqasında mübarizə aparan bir komandanın belə məşqi, əlbəttə ki,azarkeşlərin marağına səbəb olmuşdu.Bir yanda da qapıçılarla işləyən məşqçi Hafiz Əliyevin rəhbərliyi ilə gedən məşqdə Kamran Ağayevin səsi eşidilirdi.Kramarenko sakitcə məşq etdiyi halda, komandanın kapitanı Kamran Ağayev qapıda qalarkən hamını səsləyirdi

:–“Heç olmasa bir dəfə qol vura bilərsiniz ? ”

Bunu görən məşqçi Tofiq Mustafayev də qapıya tərəf gedib Kamranın qapısına zərbə vurmağa başladı.Ardıcıllıqla 4-tərəfdən vurulan zərbələri qaytaran və topu qapıya buraxmayan Kamran,möhtəşəm qurtarışları ilə,həm də atmacaları ilə, zərbə vuranların əsəbləri ilə oynamaqda idi.Kapitanın belə motivasiya ilə qapıda qalması digər futbolçulara təsir edirdi.Onların məşqi isə daha çətin və qeyri adi idi.Məşq həmişəkindən 40-dəqiqə çox çəkincə, azarkeşlər bunu "İnter"lə oyuna möhtəşəm hazırlıq kimi qəbul edirdilər.

Məşq bitən kimi komandanın baş məşqçisi Ağasəlim Mircavadovdan bir cümlə ilə məşq haqda fikir bildirməyini xahiş etdik.

-“Bu gün iki dəfə məşq etdik,hər şey əladır,futbolçular çalışırlar” -deyə fikrini elə bir cümlə ilə də bidirdi.

Komandanın məşqçisi Tərlan Əhmədov:

-“Futbolçuların əhval ruhiyyəsi yüksəkdir,xüsusən də “Qəbələ” də qazandığımız qələbədən sonra.Hazırlaşırıq”.