Ana Səhifə» 2010»İyul»29 » "Xəzər Lənkəran" iki Rumın futbolçu aldı.
22:46
"Xəzər Lənkəran" iki Rumın futbolçu aldı.
Rumıniyalı futbolçu (sağ müdafiəçi) Stanku Stelian bu gün “Xəzər Lənkəran” klubuna keçməsi ilə əlaqədar iki illik müqavilə imzalayıb. 28 yaşlı müdafiəçi həm də sağ yarımmüdafiəçi mövqeyindədə eyni müvəffəqiyyətlə oynayır.
S.Stelian futbolda peşəkar karyerasını 18 yaşından başlayıb. Belə ki, indiyənəcən bu futbolçu ölkəsinin Premyer liqasında təmsil olunan 5 klubda oynayıb: “Astra Ploeşti” (Ploeşti), “Sportu Studentesc” (Buxarest), “Styaua” (Buxarest), “Poli Timişoara” (Timişoara) və “FC Braşov” (Braşov).
S.Stelian “Styaua” və “Poli Timişoara” komandalarında oynayan zaman bu klublar Rumıniya çempionatlarını ikinci yerdə bitiriblər, adı çəkilən sonuncu klub isə hətta ölkə kubokunu qazanıb.
S.Stelian evlidir, bir qızı var.
Doğma dilindən başqa ingilis dilini də bilir.
Mənbə:lankaranfc.com
********************
********************
********************
"Xəzər Lənkəran"ın Stanku Stelianın ardınca transfer edəcəyi daha bir rumıniyalı futbolçunun adı açıqlanıb. Rumıniya mətbuatı xəbər verir ki, Mirça Rednik "Arges" klubunun şərəfini qoruyan Katalin Domanı komandasına gətirir.
Rumın həmkarlaramızın xəbərinə görə, futbolçu bu gün səhər saatlarında ölkəmizə gəlib. Onunla yaxın günlərdə müqavilə bağlanacaq. Məlumatda həmçinin bildirilir ki, yarımmüdafiənin və hücumun sol cinahında oynayant 22 yaşlı futbolçunun transferi üçün "Xəzər Lənkəran" 200 min avro xərcləyib.
Rumıniya mətbuat Katalini intizamsız futbolçu kimi təqdim edib. Belə ki, həmkarlarımız onun tez-tez azarkeşlər, hakimlər və futbolçularla mübahisə etdiyini, üç dəfə cəzalandırıldığını və hətta əvəzedici komandaya göndərildiyini xüsusi qeyd ediblər.
Qeyd edək ki, tam adı Katalin Petre Doman olan futbolçu 30 yanvar 1988-cı ildə Rumıniyanın Drobeta Turnu-Severin şəhərində dünyaya gəlib. 1 m 78 sm boyu olan oyunçu futbolun sirrlərini "CCJ Leonte İanovski" klubunda öyrənib. 2006-cı ildə Pitesti "Arges"inə transfer olunan Doman 3 oyun keçirdikdən sonra Mioveni "Daçiya"sına (Rumıniya) keçib. Bir mövsüm ərzində bu komandada 14 oyuna çıxaraq, 1 qol vurub və 2007-ci ildə "Arges"ə qayıdıb. 2007-2009-cu illərdə komandanın 50 oyununda forma geyinərək, 5 qol vurub.
Doman bir müddət Rumıniya U-21-nə dəvət alıb.
Mənbə:fanat.az
