Premyer Liqada  yaranmış qısa fasilədən istifadə edərək "Xəzər Lənkəran” bu gün bir həftəlik təlim məşq toplanışına Türkiyənin Antaliya şəhərinə yollanıb. 37 nəfərdən ibarət heyətimiz "Mardan Palace” otelində qalıb məşqlərini keçirəcək. Heyətə futbolçular Kamran Ağayev, Davit İmedaşvilli, Denis Romanovs, Elnur Allahverdiyev, Elvin Beqiri, Radomir Todorov, Rahid Əmirquliyev, Alim Qurbanov, Ruslan Poladov, Adrian Iordake, Katalin Doman, Uinston Parks, Asif Məmmədov, Diego De Souza, Kristian Kabral, Stanku Stelian, Konstantin Arbanas, Ramazan Abbasov, Diego Ruiz, Allan Lalin, Xaqani Məmmədov və Emeka Opara daxildilər. Həmçinin heyətə əvəzedicilərimizdən 4 nəfər də daxildirlər. Bunlar Fikrət Hacıyev, Emin Əliyev, Ruslan Həsənov və Sadiq Ramazanovdur.

Bundan başqa baş məşqçimiz Mirça Rednik, onun köməkçisi Mihay Teja, qapıçılarla iş üzrə məşqçi Hafiz Əliyev, komandanın rəisi Səməd Mustafayev, baş həkim Boris Xetaqurov, massajist Rövşən Muradov, fizioterapevt Ruslan Şərifov, məşqçi-inzibatçı Fərrux Ağayev, tərcüməçi Elvar Quliyev, inzibatçı Bəhməndiyar Heydərov və jurnalist Hüseyin İsmayılov da heyətin tərkibindədirlər.

Antaliyaya səfər çərçivəsində komandamız bir neçə yoldaşluq oyunları keçirəcək.

Heyət oktyabrın 13-də Vətənə dönəcək.

Mənbə:lankaranfc.com