Ana Səhifə» 2010 » Avqust » 6 » “Xəzər Lənkəran”ın transfer etmək istədiyi növbəti rumıniyalı futbolçu
17:26
“Xəzər Lənkəran”ın transfer etmək istədiyi növbəti rumıniyalı futbolçu
“Xəzər Lənkəran”ın transfer etmək istədiyi növbəti rumıniyalı futbolçu müəyyənləşib. Klubun baş məşqçisi Mirça Rednik Buxarest “Rapid”in də oynayan həmyerlisi Lusian Radutanı almağı planlaşdırır.
“Xəzər Lənkəran” hücumçu axtarışındadır ki, “Rapid” də 22 yaşlı futbolçusunu satmaq istəyir. Buxarest təmsilçisinin rəhbərliyinin arzusu məşhur portuqaliyalı müdafiəçi Jorje Andradeni almaqdır. Fransanın “Le-Man” klubundan ayrılan təcrübəli futbolçu hazırda sərbəstdir. Bunun üçün onlara pul lazımdır ki, Rednikə müraciət edən “Rapid” istəyini həyata keçirməkdə keçmiş baş məşqçisindən yardım istəyir.
Keçidi 500 min avro qiymətləndirən rumınlar həmin məbləğ müqabilində gənc futbolçusunu buraxmağa hazırdır. Andrade isə “Rapid”ə keçməyə razıdır. Bir sıra ölkələrdən təklif alan “Portu”nun sabiq müdafiəçisi Rumıniyada oynamaq variantı haqda ciddi fikirləşdiyini bildirib. İllik məvacibi 300 min avro olacaq Jorje müqaviləyə imza atandan sonra 200 min də alacaq.
Qeyd edək ki, Rednik məşqçilik fəaliyyətini başladığı, üç müxtəlif dövrdə sükanı arxasında olduğu “Rapid”də Raduta (2007-ci il, 30 oyun, 6 qol) ilə birgə çalışıb. Hücumçu gənclər yığmasında 6 oyuna 1 qol vurub.
Mənbə: Apasport.az