“Xəzər Lənkəran” komandasına məxsus avtobusun şüşələri daşa dözümlüdür... - 3 Мая 2010 - 12-ci oyunçu azarkeş qrupuun Rəsmi Veb Saytı

“Futbol+” qəzetinin 3-may tarixində işıq üzü görmüş növbəti sayında, saytımızda gedən məlumatda yanlışlıq axtarıldığını nəzərə alıb, “Xəzər Lənkəran”ın məşqini izləməyə gedərkən, rəsmi fan klubun və komandanın avtobuslarına baxmaq qərarına gəldik.Beləki,saytımızda gedən məlumatda rəsmi fan klubun deyil,komandanın avtobusunun məhz sağ tərəfdən daşqalaq edilməsi qeyd olunurdu.Fan klubun avtobusuna hansı tərəfdən daş atılması haqda heç nə yazılmamışdı.Sadəcə fan kluba məxsus avtobusun da daşa basılması,lakin şüşələrin sınmaması yazılmışdı.Daha dəqiq olsun deyə, may ayının 1-də saytımızda gedən yazının həmin hissəsini təkrar təqdim edirik:-“Neftçi” – “Xəzər Lənkəran” oyunundan sonra “Neftçi”nin fanatları “Xəzər Lənkəran”ın rəsmi fan klubunun avtobusunu və komandanın avtobusunu daşa basdılar. Rəsmi fan klubdan aldığımız məlumatda bildirir ki, fan klubun avtobusunun iki şüşəsi tam sınmasa da, komandanın avtobusunun şüşələri sağ yan tərəfdən və qabaq hissədə qapı tərəfdən tamamilə tikələnib-.

Buradan da göründüyü kimi, bizim verdiyimiz məlumatda yanlışlıq olmayıb.Amma bununla belə ölkənin ən nüfuzlu idman qəzetinin saytımıza diqqət ayırması və heç olmasa məlumatlarımızda qeyri dəqiqlik axtarmaq cəhdi tərəfimizdən pis qarşılanmadı.Bu qəzetə olan hörmətimizdəndir ki, şüşələri sınmış avtobusun,zədələnmiş yerlərinin şəkillərini də, may ayının 3-də “Xəzər Lənkəran” stadionunun həyətində olarkən çəkdik.

Qeyd:Çəkiliş aparmağa icazə verdiyi üçün stadionun direktoru Höccət Hacıyevə təşəkkür edirik.