"12-ci oyunçu” azarkeş qrupu təşkilat komitəsinin üzvü Fariz İsayev Bakıdan xəbər verir:

-Bu gün axşam saatlarında komandanın bir neçə yerli futbolçusu ilə görüşdüm. Onlardan oyuna hazırlıqları haqda məlumat almaq istədim. Düzü matça hazırlığın nə dərəcədə getdiyini onların əhval ruhiyyəsinin yüksək olduğundan sezmək də olurdu. Qələbəyə kökləndikləri açıq aşkar görünürdü. Mən komandamızın son illər "Qarabağ”la bütün oyunlarını izləmişəm, istər ev istərsə də səfər oyunlarında iştirak etmişəm. Oyundan əvvəl də futbolçuların psixoloji hazırlığı məni həmişə maraqlandırıb. Xüsusi qeyd etmək istəyirəm ki, bu gün gördüklərimdən heyrətləndim. "Xəzər Lənkəran”ın futbolçuları çox yüksək səviyyədə hazırlıqlı görünürlər. Onlarla söhbətlərdən anlamaq oldu ki, qələbə qazanmaq üçün meydanda əsl müharibəyə hazırdırlar. Nə deyirəm qoy güclü qalib gəlsin. Güclü tərəf isə  həmişə biz olmuşuq...