Premyer liqanın növbəti turunda keçiriləcək MOİK –"Xəzər Lənkəran” qarşılaşması "Hərbiçi”lərin istəyi ilə  Bakıda keçiriləcək. Beləki, bu komandaların ilk oyunu "Fırtınalar Meydanı”nda gedən təmir işləri ilə əlaqədar olaraq iki klubunun razılığına əsasən paytaxtda baş tutmuşdu. Həmin oyunda "Xəzər Lənkəran” nominal ev sahibi sayılırdı. Dekabrın 18-də keçiriləcək oyunun Lənkəranda baş tutması  istəyi ilə "Xəzər Lənkəran” rəhbərliyi  MOİK rəhbərliyinə müraciət etmişdi. Turnirin keçirilməsini həyata keçirən PFL  də bu məsələnin iki klub arasında həll olunmasını gözləyirdi. Hamının xəbər gözlədiyi məqamda  bizə məlum olmayan səbəblər üzündən  MOİK rəhbərliyi oyunun Lənkəranda keçirilməsi fikri ilə razılaşmadı. Belədə MOİK – "Xəzər Lənkəran” oyunun dekabrın 18-də Suraxanı qəsəbə stadionunda keçiriləcək. Oyunun başlama saatını isə PFL təyin edəcək.