Ana Səhifə» 2010 » May » 4 » “Xəzər Lənkəran” - “Olimpik Şüvəlan” oyununa bir gün qalmış son məşq.
21:25
“Xəzər Lənkəran” - “Olimpik Şüvəlan” oyununa bir gün qalmış son məşq.
Mayın 4-də saat 17:00-da “Olimpik Şüvəlan” komandası, “Fırtınalar Meydanı”nda oyun öncəsi son məşqinə çıxdı.Bir saat çəkən məşqin son dəqiqələrini yerli azarkeşlərlə yanaşı qonaqlardan sonra meydana daxil olmağa hazırlaşan “Xəzər Lənkəran”ın futbolçuları da izlədilər.”Xəzər Lənkəran” komandasının futbolçularında əhval ruhiyyənin yüksək olduğu diqqətimizdən yayınmadı.Məşq başlayandan sona qədər “İdman Azərbaycan” kanalı iki kamera ilə çəkiliş aparırdı.
Televiziya əməkdaşları tribunalara yığışan azarkeşləri görüb onlara tərəf yaxınlaşdılar.Təsadüfdənmi yoxsa nədənsə, azarkeş fikirlərini bilmək üçün yaxınlışdıqları ilk şəxs arabaçı Mirzə kişi oldu.Bir neçə gün öncə saytımızda və “Futbol +” qəzetində şəkli çıxan və haqqında yazı təqdim olunan Mirzə kişi “İdman Azərbaycan” kanalının əməkdaşını əməlli başlı özündən çıxartdı.Beləki kameranın qarşısında mikrafonu götürən kimi Mirzə kişi futbolun inkişaf proqramından başlayaraq söhbəti ali baş komandana minnətdarlığa gətirərkən,televiziyanın nümayəndəsi onun sözünü kəsib:-“Ağsaqqal bunları bildik,mümkünsə “Xəzər Lənkəran” azarkeşliyindən danış”.Mirzə kişinin, “Mən hələ 70-ci illərdən “Xəzər Lənkəran”a azarkeşlik edirəm” deməsi,televizya işçilərini tamamilə özündən çıxartdı:-“Ağsaqqal, o vaxtlar Lənkəranın “Xəzər” komandası olub axı...
Arxa tərəfdən azarkeşlərdən biri:- “o arabaçı Mirzə kişidir,ötən həftə “Futbol +” qəzetində şəkli də çıxmışdı,özü də əvvəllər 30-il “Neftçi”yə azarkeşliik edib”- deyərək müdaxilə etməsi aranı qarışdırdı.Bu qarışıqlıqdan məharətlə istifadə edən, indiyə qədər “Fırtınalar Meydanı”nda tribunaları gəzərək ən çox alqış almış Xeybər kişi meydana çıxdı...
Məşq bitəndən və bütün futbolçular meydanı tərk edəndən sonra isə, Kamran Ağayev qapı dirəyinə oturaq şəkildə söykənərək “İdman Azərbaycan” kanalının əməkdaşlarının suallarını cavablandırırdı.