Avqust ayının 6-da Lənkəran Olimpiya İdman Kompleksinin stadionunda saat 18.00-da "Xəzər Lənkəran" və “Qəbələ” komandalarının əvəzedici heyyətləri görüşdü.Oyunun ilk hissəsini “Xəzər Lənkəran” klubunun rəhbərliyi də izlədi.Olimpiya kompleksinin tribunalarında az sayda olsa da azarkeş var idi.Onlar matçın son dəqiqəsinə qədər gənc futbolçulara dəstək oldular.Hərçənd bu dəstək də qələbə qazanmağa yetmədi.Beləki, “Xəzər Lənkəran”ın əvəzediciləri 1:3 hesabı ilə məğlub oldular.Qonaqlar daha güclü göründükləri oyunda qalib gələ bildilər.Lənkəranlıların yeganə qolunu əsas heyyətdən gələn Amid Hüseynov vurdu.İkinci hissənin sonlarına yaxın baş hakim oyunu saxlayıb havanın istiliyini nəzərə alaraq futbolçulara su içməyə imkan yaratdı.Bu zaman əvəzedicilər skamyasına əks tərəfdə,tribunaların istiqamətində olan yan xətt hakimi də su içmək istədiyini bildirdi.Baş hakim onu eşitmədikdə tribunalardan azarkeşlər sərin su ilə onu təchiz etdilər.Bu mənzərəni görən baş hakim qaçaraq laysmana yaxınlaşdı və özü ilə su gətirdi.