“Xəzər Lənkəran” fevralın 17-də Premyer Liqanın XXI turu çərçivəsində “Neftçi”yə qarşı keçiriləcək oyuna qara sarğıyla çıxacaq. Komandamız qara sarğı taxmaqla ötən şənbə günü “Karvan”a qarşı oyundan sonra Yevlaxdan qayıdarkən “Neftçi”nin yol qəzasında dünyasını dəyişmiş iki əməkdaşının xatirəsini yad edəcək. Qeyd edək ki, bu oyuna “Neftçi”nin futbolçuları da qollarında qara sarğıyla çıxacaqlar. Böyük ehtimalla çərşənbə günü – fevralın 17-də keçiriləcək XXI turun oyunları bir dəqiqəlik sükütla başlayacaq.