Krayova "Universitea” klubunun keçmiş hücumçusu Alexandru Piturça Antaliyaya yollanıb. Rumın jurnalistlərin iddiasına görə o Antaliyada təlim məşq toplantısında olan "Xəzər Lənkəran”ın düşərgəsinə qatılaraq bu gün ilk məşqinə çıxmalı idi. "Krayovadan getmək istəyirdim,  Azərbaycan klubundan maraqlı təklif gəlincə isə  imtina etmədən razılaşmalı oldum” deyə rumın mətbuatına açıqlamasında Aleksandru deyib. Qeyd edək ki, Rumınyanın "Styaua” klubunda karyerasına başlayan Piturça müəyyən dövrlərdə  Rumınyanın "Braşov” və Bolqariyanın ÇSKA (Sofiya) klublarında da forma geyinib. Son klubu isə "Universitea” Krayova olub. 

 Rumın mətbuatında yayılan xəbərlərə görə  eyni vaxtda Vobey Julilusun da Antaliyaya yollanaraq "Xəzər Lənkəran”a qoşulacağı bildirilir.

Victorio Alexandru Piturca

Doğum tarixi:    28/10/1983

Doğum yeri: Buxarest, Rumınya

Boyu: 1.88 m

Çəkisi: 75kq

Ampula: Mərkəz hücumçusu