Zaur Tağızadəni "Xəzər Lənkəran”a hansı hadisə  bağlayır ?

Azərbaycan futbolunun son illər yetişdirdiyi istedadlı futbolçulardan olan Zaur Tağızadə zədə üzündən uzun müddət bacarığını ortaya qoya bilmədi. Belə futbolçuların meydanlarda görünməsi onunla çiyin çiyinə top qovan futbolçulara əlavə stimul verdiyi kimi azarkeşlərdə də oyuna xüsusi maraq yaradırdı. Millinin heyyətində Potuqaliya yığması ilə oyunda seçilən, üstəlik rəqib komandanın  qapısına gözəl  qol vura bilən  Zaur, bir çox xarici mütəxəssislərin də diqqətini çəkmişdi. Əbəs yerə deyil ki, sonradan ona "Qızıl oğlan” ləğəbi də verilmişdi. Qeyd edildiyi kimi  zədə üzündən yaşıl meydanlarda az-az görünən Tağızadə ölkənin futbolsevərlərinin sevimlisi idi. Məhz bu səbəbdən də onun  vida matçının keçirilməsi haqqında azarkeşlər tərəfindən lətifə də qoşulub. Beləliklə Zaur Tağızadə və  "Xəzər Lənkəran”.

Futbolçu karyerasını bitirmək qərarını qəti şəkildə  bildirən Zaur Tağızadə,  "Neftçi” futbol klubunun rəhbərliyinə futboldan getməyi münasibəti ilə  vida matçının təşkili üçün müraciət edir.  Təbiidir ki, "Neftçi”nin az qala simvoluna çevrilən Zaurun yüksək səviyyədə yola salınması təklifini  rəhbərlik qəbul edir və bu vida matçı premyer liqanın oyunlarından birinə təsadüf edir. Oyunun başlamasına bir neçə dəqiqə qalmış Zaur,  ağ-qara rəngli və 22-nömrəli  forması ilə meydanın mərkəzinə qaçır və dərhal əllərini havaya qaldırıb tribunaya toplaşanlara təşəkkür etmək istəyir. Lakin boş tribunaları gördükcə məyus olur. Onu belə vəziyyətdə  görən klub rəhbərliyi növbəti matçda təkrar olaraq vida matçının təşkilini söz verir. Eyni hadisə növbəti oyunda da təkrarlandıqca "Neftçi”  klubunun vitse prezidenti və mətbuat departamentinin rəhbəri  Zauru sakitləşdirərək belə deyirlər: "Narahat olma Zaur,  "Xəzər Lənkəran”la oyunda hər şey yaxşı olacaq. Həmin oyunda vida matçı lap yerinə düşəcək, özün bilirsən ki, bizimkilər gəlməsə də Lənkəranlılar tribunaları dolduracaqlar...”