"Xəzər Lənkəran”  komandası 19-noyabr  saat 16:00-da stadionun yardımçı meydançasında axşam məşqinə çıxdı. İki gün öncə məşq zamanı aldığı yüngül zədəsini  artıq sağaldan  Kristian Kabralın da qatıldığı məşqdə,  millinin oynundan sonra özündə yorğunluq hiss edən komandanın kapitanı Kamran Ağayev iştirak etmədi. Düzü Kamranın  yoxluğu daha çox hiss olundu. Çünki, o özünə məxsus zarafatları ilə həmişə məşq zamanı komandada gözəl ab havanın yaranmsı ilə diqqət çəkir. İkinci qapıçı Denis Romanovsun iştirak etməməsinin səbəbini isə öyrənə bilmədik. Qapıçılar Orxan Sadıxlı və Sadiq Ramazanov  məşqçi Hafiz Əliyevin rəhbərliyində həmişəki kimi ayrıca məşq edirdilər. Mirça Rednik bir yandan futbolçuları taktiki cəhətdən hazırlayırdısa, fiziki hazırlıq üzrə məşqçi Mihay Keja onları fiziki cəhətdən yükləyirdi. Məşqi çoxlu sayda azarkeş izlədi.