“Neftçi” futbol klubu ölkəmizin ən köklü futbol klubudur. Azərbaycan futbolunun tarixi uğurlarının əksəriyyəti demək olar ki, bu klubla bağlıdır. Əbəs yerə deyil ki, “Neftçi” futbol klubunun uğurları üçün müəyyən qədər əmək sərf edəndən sonra ölkənin futbol qurumlarında rəhbər vəzifələrdə çalışmaq mümkündür. Paytaxt Bakını təmsil edən klubun minlərlə azarkeşi vardır ki, onlar Azərbaycanın elitar azarkeş kütləsi sayılır. Bu yüksək mədəniyyətə mailk insanlar ölkənin daxili turnirlərində komandanı dəstəkləməyi bir o qədər də sevmirlər...
Fan klub cəhətdən də “Neftçi” hamıdan irəli gedə bilmişdir. 1999-cu ildə ədlyyə nazirliyində dövlət qeydiyyatından keçən ilk fan klubu yaradaraq ölkə futbolunda fanat hərakatının pioneri olmuşlar. Hal hazırda da “Neftçi” fanatları ölkənin digər klublarının fanatlarına öz davranışları və mədəniyyəti ilə örnək ola bilirlər...
Hətta fan klub, qeyri rəsmi olaraq klub tərəfindən maliyyələşdiyini gizli saxlaya bilmişdir. Ölkənin fanat hərakatına Avropasayağı davarnış bəxş edən “Neftçi” fanatları, stadionlarda rəqib klublar barədə şüarlar səsləndirərkən bəzən daha da irəli gedirlər...

“Neftçi” klubu yarandığı gündən indiyə qədər dövlət təminatı ilə fəaliyyət göstərir ki, sözün əsl mənasında neftin qiymətindən asılı olaraq bu klub tənəzzülə və təkamülə meyillidir. Dünya futboluna ilk dəfə “məcburi dəvətnamələr” anlayışını bəxş edən “Neftçi” belə bir addımı bir neçə il öncə “Xəzər Lənkəran”la Bakıda keçirilən oyunlarda dəfələrlə tətbiq etmişdir.
Bu klubun güclü və çalışqan mətbuat xidməti mövcuddur ki, istənilən mövzuda istənilən mövqeni ittiham etməyə və ya müdafiyə etməyə qadirdir.
“Neftçi” klubu yarandığı ildən dörd dəfə loqosunu dəyişsə də əsl simasını və maliyyə mənbəyini dəyişməmişdir.
Müstəqillik illərində keçirilən çempionatların tarixində “Neftçi” nəinki uğurları ilə hətta siyasi gedişləri və çempionatın dayandırılması ilə də yadda qala bilmişdir.
Son bir neçə ildir ki, bu kluba ölkə futbolunun bayraqdarı fikrinə əsaslanan “Flaqman” adı verilmişdi. Lakin 2010-cu ilin sentyabrın 25-də Lənkəranda keçirilən oyunda “Neftçi”nin bayrağının yandırılması ilə “Flaqman” ( bayraqdar) sözü öz əhəmiyyətini itirmiş oldu.

“Neftçi” klubu öz həqiqi adıyla da dünyada tək deyil. Beləki, Özbəkistan çempionatında mübarizə aparan və Fərqanə şəhərini təmsil edən “Neftçi” Ferqana klubu da mövcuddur.
1962-ci ildə bünövrəsi qoyulmuş “Neftçi” Ferqana futbol klubu “Futbolist əklər” yarışmasının qaliblərindən yaradılmışdır. Komandanın ilk məşqçisi Uybala Yerbalayev olub.

Aşağıda “Neftçi” Bakı futbol klubunun və “Neftçi” Ferqana futbol klubunun loqoları təqdim olunur.