Fevralın 14-də bir qrup azarkeş,  saytımız vasitəsi ilə klub rəhbərliyinə müraciət edərək, fevralın 20-də "Fırtınalar meydanı”nda keçiriləcək  "Xəzər Lənkəran” – AZAL oyununun başlama vaxtının 18:00 və ya 19:00 saatlarına təyin edilməsi istəyində olduqlarını bildirdilər.  Təbii ki, saytımızın azarkeşlərə xidmət etdiyini xatırladaraq, saytımızda bu məsələni işıqlandıracağımızı bəyan etdik.

Bu arada "Bosman” fan klubunun rəsmi internet saytında (bosman.at.ua) da bu mövzü ilə əlqaədar klub rəhbəırliyinə müraciət təqdim olunmuşdu. Biz ilk növbədə saytımızda "Bosman” fan klubunun müraciətini işıqlandırdıq. Ardıyca "Xəzər Lənkəran” klubunun icraçı direktoru Höccət Hacıyevə azarkeşlərin istəklərini çatdırdıq. Klub rəsmisi artıq bu barədə xəbərdar olduqlarını  dilə gətirib, azarkeşlərin istəklərini nəzərə alaraq oyunun saat 17:30-da baş tutacağını bildirdi.