Rumıniya mətbuatı, ayrı-ayrı mənbələrdə "Xəzər Lənkəran” və Mirça Rednik...

Antalyadan qayıdan "Xəzər Lənkəran” Joren Polens və Dalton Munarettodan da ayrılır. Alman futbolçunun ayrılmasına səbəb kimi Vobay Juliusun gəlişi göstərilirsə, braziliyalı qapıçı təlim məşq toplantısında zəif təsir bağışladığından məşqçilər korpusunun qara dəftərinə düşüb. Joren Polens haqqında olan məlumat artıq təsdiqini tapıb.

 Bu arada Rumın jurnalistlər "Xəzər Lənkəran” komandasının rəisi Səməd Mustafayevdən müsahibə aldıqlarını iddia edirlər. Müsahibədə əsasən söhbət Anna Mariya Prodandan gedib və  Mariya xanımın "Xəzər Lənkəran”la iş birliyinə başlaması tarixinin incə məqamları da işıqlandırılıb...

Rumın mətbuatı Mirça Rednikin Buxarestdə əlində bir kisə pulla gəzdiyini obrazla qeyd edib: "Rednik əlində bir kisə pulla Buxarestdə gəzir və özünə yem axtarır. O elə futbolçuları almaq istəyir ki, belələrini   hər hansı  məşqçi komandasında görmək istəyərdi. Rednik bu qədər pulla sərhədlərdən o biri yana da keçib futbolçu gətirə bilər. Rumıniyada o istədiyi futbolçuya istədiyi qiyməti qoyur, hətta klub rəhbərləri də onunla məşqçi kimi deyil klub sponsorları kimi danışıqlar aparırlar. İndi Rumıniyada bir çox məşqçilər Mirçaya həsəd aparır...”

" Bıstriça Qloriya” klubunun daha bir futbolçusu Rednikin diqqət mərkəzindədir. Amma klubun prezidenti Jean  Padureanu futbolçunun qiymətini böyüdüb. Bu səbəbdən də açıqlamasında Mirça Rednik braziliyalı futbolçu Aluisio Chaves Ribeiro Moraes Junior haqqında belə deyib: " Moraes çox yaxşı futbolçudur, o komandada özünü yaxşı tərəfdən göstərə bilib. Yaya qədər mən də onu sərəncamınmda görmək istəyərdim. Amma...”