Ana Səhifə» 2010 » May » 21 » Kubokun finalında "Xəzər Lənkəran"a dəstək olmaq istəyənlər az deyil...
22:53
Kubokun finalında "Xəzər Lənkəran"a dəstək olmaq istəyənlər az deyil...
Mətbuatda xəbər verildiyi kimi, “Xəzər Lənkəran” və “Bakı” klublarının fan klub nümayəndələri PFL-in prezidenti Ramin Musayevlə görüşüblər. “12-ci oyunçu”ya bu görüşdə iştirak üçün , PFL-in mətbuat xidməti dəvət göndərsə də, azarkeş qrupunu təmsil etmək səlahiyyəti, görüş iştirakçılarından olan “Bosman” fan klubunun nümayəndəsinə verilmişdi.Görüş bitəndən sonra “Bosman” rəhbərliyi, “12-ci oyunçu” azarkeş qrupunun təşkilat komitəsinə görüş barədə ətraflı məlumat vermişdir.Görüşün sonunda, iştirak edən nümayəndələrə, hər fan klub üçün 100-bilet olmaqla, PFL prezidenti tərəfindən hədiyyə verilməsi haqda məlumat artıq mətbuatda yayılıb.”12-ci oyunçu” azarkeş qrupu üçün hədiyyə olaraq bilet verilməmişdir ki,bu da tərəfimizdən tam normal qarşılandı.Çünki yaranışından bəri “12-ci oyunçu” azarkeş qrupu, nə klub tərəfindən nə də futbol qurumları tərəfindən heç vaxt pulsuz bilet almayıb.
“Bosman” fan klubu isə onlara hədiyyə olunan 100-bileti, “İnter” fan klubu və “Zadəgan” dərnəyi arasında bölərək hər bir təşkilata 50-ədəd bilet olmaqla hədiyyə etmiş və beləcə dostlarımızın final oyununda iştirakı üçün dostcasına addım atmışdır.Məlumdur ki,istər “İnter” fan klubu,istərsə də “Zadəgan” dərnəyi, kubokun final oyununda onsuz da iştirak edə bilərdilər.Hətta iştirak edərək “Xəzər Lənkəran”a və ya “Bakı”ya azarkeşlik etməkdə azaddırlar. Bəziləri tərəfindən İntersevərlərin “Bakı”ya deyil, “Xəzər Lənkəran”a dəstək olmaqları yaxşı qarşılanmır.Amma biz “12-ci oyunçu” azarkeş qrupu olaraq bildiririk ki, “İnter” fan klubu və “Zadəgan” dərnəyinin hansı tərəfə dəstək olmaqları haqda çıxaracqları hər hansı qərara hörmətlə yanaşacağıq.Çünki “İnter”sevərlər, artıq ölkə futbolunda sivil və intizamlı rəftarları ilə hörmətə layiq olduqlarını sübut etmişlər.Bu səbəbdən də “İnter”lilərin atacaqları addıma digələrinin də hörmətlə yanaşması lazımdır.
