Pitsin zərbəsi  qapını yerindən çıxardıb?

" Xəzər Lənkəran”ın dünən keçirdiyi əvəzedici heyətlə yoxlama matçında diqqətləri özünə cəlb edən futbolçulardan biri də " Roma”nın yetirməsi Adrian Pits idi. Topla rahat davranışı bir yana tez-tez hər iki ayağı ilə uzaqdan zərbələr vurmaqla da yadda qalan Pitsin ikinci hissədə qapını möhkəm silkələyən zərbəsi  daha diqqətçəkici məqam idi. Həmin qapının arxasında oturan azarkeşlərdən bir neçəsinin danışığına əsaslansaq, deyilənə görə zərbə sonrası qapının sağ dirəyi az da olsa yerindən möhkəm tərpəndiyinə görə boşalıb və matç sonrası stadionun texniki işçiləri həmin qapının yanına gələrək dirəyi möhkəmlətməyə çalışıb. Bu barədə məlumatı  gec  əldə etdiyimizə görə xəbəri səhər saatlarında dəqiqləşdirməyə çalışacağıq.