"12-ci oyunçu" etiraz edir !

 "Futbol+” qəzetinin 12-(13) fevral 2011- ci il tarixli, 28-sayında (2211), səhifə 4-də dərc olunan "Evimizə gəlin gəlir” adlı yazı Lənkəran sakinlərinin hiddətinə səbəb olub. Beləki, yazı müəllifi əxlaq normalarına və  milli mənəvi dəyərlərə hörmətsizlik edərək, bölgə klubunun minlərlə azarkeşini təhqir etmişdir. Yazıda ötən il sentyabrın 25-də Lənkəranda baş tutan "Neftçi” – "Xəzər Lənkəran” oyununda iştirak edən minlərlə yerli azarkeşi hansısa utopik düşüncələrə qapanaraq "qız evi”nin adamları  kimi  qələmə vermişdir(Peşəkar Futbol liqasının rəsmi internet saytında həmin oyuna toplaşan insanların sayı 11.0000-nəfər göstərilib). Yazıda, fevralın 13-də paytaxta qonaq  komandanın azarkeşləri olaraq yola düşməyə hazırlaşan minlərlə insan da eyni formada təhqirə məruz qalmışdır. Bundan əlavə paytaxt - bölgə münasibətlərinə gərginlik gətirməyə hesablanan yazı, fevralın 13-də Bakıda keçiriləcək oyun zamanı hər iki klubun azarkeşləri arasında baş verə biləcək qarşıdurmalara şərait yaratmışdır. İnsanları qarşıdurmalara məhz belə şəkildə dəvət edirlər, futbol zamanı tribunlarada xoşa gəlməz hadisələr məhz belə yazılardan sonra baş verir.

Ölkənin aparıcı idman mətbu orqanı olan "Futbol+” qəzetinin səhifələrində minlərlə insanın heysiyyatı ilə oynayan  bu tipli əxlaqsız yazıları görmək təəsüf doğurur. Ən azından  qəzetin baş redaktoru bu yazının dərc olunmasına mane olmağa borclu idi.

Yuxarıda qeyd olunan fikirləri əsas götürüərək:

1. Özünü "Xəzər Lənkəran” klubunun azarkeşi sayan,  cənublu və Lənkəranlı sayan hər bir kəsi "Futbol+” qəzetinin bundan sonrakı nömrələrini satın almaqdan imtina etməyə çağırırıq.

2. "Xəzər Lənkəran” klubunun rəhbərliyini, klubumuzun   "Futbol+” qəzetində hər hansı reklam xarakterli yazılarını təqdim edilməsinə qarşı çıxmağa çağırırıq.

3.Fevralın 13-də T.Bəhrəmov stadionunda keçirləcək  oyunda  "Xəzər Lənkəran” azarkeşlərini, qarşı tərəfin təxribatlarına uymamağa, hüquq muhafizə orqanları əməkdaşlarının tələblərinə əməl etməyə dəvət edirik.

4. Eyni zamanda hüquq mühafizə orqanı əməkdaşlarını da diqqətli və ədalətli olmağa, "Xəzər Lənkəran” azarkeşlərinə edilə biləcək təzyiqlərin vaxtında qarşısını almağa çağırırıq.

4.Məhz bu oyunda "Neftçi” fanatları qabaqcadan hazırladıqları müxtəlif şüarları səsləndirərək cənubluları və Lənkəranlıları  iyrənc formalarda təhqir edə bilərlər. Xüsusən "Flaqman” fan klubunun üzvlərinin daha aqressiv davranacaqları istisna olunmur. Oyundan öncə qəzet səhifələrində əxlaqsız yazılar dərc olunursa, deməli stadionda daha kəskin hücumların olacağı  ehtimalı da vardır. Bütün bunları nəzərə almağın və istənilən vəziyyətdə səbirli davranmağın vacibliyini də qeyd edirik.

5. Biz bir bölgə klubunun azarkeşləri olsaq belə, sivil davranışın və hər hansı vəziyyətdə əxlaq normalarına riayət olunmasının tərəfdarı olmuşuq.

 Biz : "Öncə vətəni, sonra səıni sevdik , "Xəzər Lənkəran ” ! " deyərək vətənimizə olan sevgimizi hər şeydən  daha üstün bilmişik və biləcəyik.

Biz "Xəzər Lənkəran” azarkeşləri olaraq formasından asılı olmayraq istənilən ayrıseçkiliyə qarşı etiraz etmişik.

Biz, haqqımızda qəzet səhifələrində fikir bildirənlərdən, əxlaq normalarına və mənəvi dəyərlərə hörmətlə yanaşmalarını tələb edirik !

 Bu vaxta qədər və bundan sonra haqqımızda yanlış fikirlər səsləndirən hər bir şəxs öz səviyyəsini və əxlaqını nümayiş etdirmiş olur.

"12-ci oyunçu” azarkeş qrupu. 12-fevral 2011