Dieqo Ruizin əsas heyyətdən uzaqlaşdırılaraq əvəzedici komandaya göndərilməsi xəbəri Lənkəranda hələ bir neçə gün öncədən yayılmışdı. Ən kiçik yaşlı azarkeşdən də bir neçə gün əvvəl soruşsaydılar ki, Argentinalı futbolçu haradadır cavab verərdi ki,...
Bu gün Dieqo ilə bağlı yayılan məlumat bizlər üçün yenilik olmadı. Gördüyümüz qədər Lənkərada yaşayan azarkeşlərin böyük əksəriyyəti onun oyunundan narazı qalmışdılar. Təkcə “Neftçi”yə vurduğu qol unudula bilmirdi. Məhz həmin qola görə azarkeşlər məşqlər zamanı komandanın baş məşqçisinə Ruizin oyunundakı axsamaları irad tutmurdular.
İndi azarkeşlər Dieqonun uzaqlaşdırılması məsləsində futbolçunun özünə görə yox daha çox hücumçu azlığından narahatdırlar. Komandanın ön xəttində Allan Lalin, Xaqani və Asif Məmmədovlar, Amid Hüseynov, Opara Emeka və nəhayət Uinston Parks yer alıblar. Nəzərə alsaq ki, Opara hələki zədəlidir və yerdə qalanlar arasında Parks daha inamlı təsir bağışlayır, o zaman onsuz da çoxlu vəziyyət yaradılmasına baxmayaraq qol vurmaqda çətinlik çəkən ön xətt mövqeyində boşluqların olacağı yəqinləşir.
Yerli futbolçulardan ibarət “Qarabağ” komandasıyla oyun öncəsi “Xəzər Lənkəràn” da bir az problemli heyyət varsa da bu növbəti turda xal itkisnəı bəraət qazandıra bilməz. Mirça Rednik təcrübə və bacarığından yararlanaraq səfərdən sərfəli hesabla dönməlidir. Bu işdə ona inanmaq olar. Razlaşmaq lazımdır ki, hər məşqçini belə nümayişyanə şəkildə millinin baş məşqçisi postuna dəvət etmirlər.Rednik öz ölkəsində də çətin vəziyyətlərdən komandanı çıxartmaq imicini qazana bilmiş məşqçi kmi tanınmışdır.
Turnir cədvəlində liderlik uğrunda ən çox mübarizə apardığımız “Neftçi” də növbəti turda asan oyuna çıxmayacaq. Beləki onun rəqibi ardıcıl məğlubiyyətlərdən cana yığılan “Bakı”dır. Nə isə statistika deyir ki, “Bakı”nın asanlıqla məğlub olmalıdır(?!).
İstənilən halda komandamız liderliyə potensial rəqib komandaların hansı nəticə ilə meydanı tərk etməsindən asılı olmayaraq “Qarabağ”la oyun öncəsi qələbəyə köklənməlidir.