09
fevral 2009-cu ildə ürəyi döğma "Xəzər Lənkəran”la döyünən bir qrup fanat
birləşərək "BOSMAN” fanatlar klubunu təsis etdi. Fan-klubun təsis
edilməsində məqsəd doğma komandamıza dəstəyin daha mütəşəkkil formada həyata
keçirilməsi idi. Əksər üzvləri ziyalılardan təşkil olunmuş fan-klubumuz,
qarşısına qoyduğu məqsədə doğru daim can atır. Fan-klub üzvlərinin sıralarının
genişlənməsi bu gün də davam etməkdədir.
Doğma
"Xəzər Lənkəran”ımıza dəstəyin müxtəlif üsullarını həm matç zamanı və həm də
matçdankənar vaxtlarda müxtəlif layihələr həyata keçirməklə davam etdirən
"Bosman” fan-klubu həmişə axtarışda olması ilə seçilir. Bundan başqa Azərbaycan
fanat hərəkatında yeni dostluq cərəyanının formalaşmasında xüsusi əhəmiyyətli
işləri ilə seçilən fan-klubbu gün iki yaşını qeyd edir. Bu iki ildə xeyli
təcrübə toplamış "Bosman” bundan sonra da özünəməxsus fəaliyyətini davam
etdirmək əzmindədir. Doğma "Xəzər Lənkəran”ı daim zirvələrdə görmək istəyən
"Bosman”, "Xəzər Lənkəran”a əlindən gələn dəstəyi nümayiş etdirmək
üçün daha bir addım atır. Beləliklə "Bosman”, komandamızla bağlı fəaliyyətin
bir növü kimi "Bosman.at.ua” saytının fəaliyyətini daha da yeniləyərək,
müasirləşdirərək və daha geniş imkanları olan "yeni saytımız"da davam
etdirəcəkdir.
Biz də
bütün "Xəzər Lənkəran” azarkeşləri adından "Bosman” fan klubunu təbrik edirik.
Uzaq sularda bu gün çıxmışıq biz səfərə,
"Xəzər”lə
bir gəmidə çatmaq üçün zəfərə.
-Bu çətin
səfər üçün hazırsınızmı "Bosman” ?
Bəli, bəli hazırıq, arxayın ol Kapitan!
-Lövbərləri Qaldırın! Çıxaq açıq dənizə,
Hər şey yerli-yerində əminik gəmimizə.
-Səfərlərimiz çətin!
dalğası, burulğanı,..
Aşarıq hər sədd ola, əngəl deyildir bizə!
Bu xəbəri saytımızın wap versiyasında da izləyə bilərsiniz wap.12cioyuncu.info
"Bosman" fanklubu tək deyil, ümumi "Xəzər Lənkəran" azarkeşlərinin bir hissəsidir. Biz Fanklub olsun ya sıravi azarkeş olsun, bütün "Xəzər Lənkəran" azarkeşləri ilə birlikdəyik və birlikdə güclüyük! Ayrıca, bütün təbrikləri qəbul edir və minnətdarlığımızı bildiririk.
