Rednikin "pianoçuları” gəlir…

Türkiyənin Antaliya şəhərində təlim məşq toplantısında olan və  "Qloriya” otelində məskunlaşan  

"Xəzər Lənkəran” komandası yanvarın 28-də növbəti sınaq oyununu keçirəcək. Rəqibin hansı klub olacağına bu gün aydınlıq gələcək. Bu haqda yanvarın 27-də gecə saatlarında Antaliya ilə əlaqə saxlayarkən məlumat əldə edə bildik.

Ən son anda  onu da öyrəndik ki, "Xəzər Lənkəran” klubunun prezidenti Mais Mənsimov və vitse president Tuyğun Nadirov da artıq Antaliyadadırlar. Onların "Qloriya” otelinə gəlişi çox güman ki, önəmli transferlərin həyata keçirilməsinə hesablanıb.

Bütün bunları nəzərə alsaq, Rednikin "pianoçuları”nın gəlişi barədə ölkə mətbuatında səslənən fikirlərin heç də əsassız olmadığı qənaətinə gəlmək olar. Beləki, əldə etdiyimiz ən son məlumatlara görə "Xəzər Lənkəran” klubunun, yaxın günlərdə həyata keçirəcəyi transferlər hesabına "Xəzər Lənkəran”ın ifasında  fevralın 13-də T.Bəhrəmov stadionunda bir futbol şousu görəcəyik…

İnanmayanlar isə ağac dalında pusqu qursunlar...