"Xəzər Lənkəran”ın 33 yaşlı yarımmüdafiəçisi  Alim Qurbanov,  Premyer Liqanın XIV turu çərçivəsində Lənkəranda keçirilən "Muğan”la oyunda meydana çıxmaqla rekorda imza atıb. Beləki o, 156-ci dəfə komandanın formasında meydana çıxıb. "Xəzər Lənkəran” yaranan gündən komandanın heyyətində top qovan futbolçu 156 oyuna 11-dəfə fərqlənə bilib. Xatırladaq ki, Alim bu rekordu ilə "Xəzər Lənkəran”ın formasını 155-dəfə geyinmiş Rəşad Abdullayevi ötə bilib. "Muğan”la oyunda Alim bir daha göstərdi ki,  hələ bir neçə il də futbol oynaya bilər. Kamran Ağayevin yoxluğunda meydançaya  "Xəzər Lənkəran”ın heyyətində karyerası boyu  3-cü dəfə kapitan sarğısıyla çıxan Alim Qurbanov oyun zamanı meydançanın hər yerində görünür və əzmkar oyun  nümayiş etdirirdi. Komandanı 90-dəqiqə arxasıyca aparmaqla tribunaların alqışını qazanırdı.