25 fevral (cümə)

 AZAL – "Bakı”

 "Neftçi” – MOİK

 "Qarabağ” – "Turan”

27 fevral (bazar)

 "İnter” – "Xəzər Lənkəran”

 "Qəbələ” – "Gəncə”

"Simurq” – "Muğan”

Fevralın 25 və 27-də premyer liqanın XXII turunun  oyunları keçiriləcək. "Xəzər Lənkəran” fevralın 27-də "İnter”in qonağı olacaq. Komandamız bu oyunun və "Neftçi” - MOİK oyununun nəticəsindən  asılı olaraq, ən pis halda turnir cədvəlinin ikinci pilləsində yer alaraq premyer liqanın final mərhələsinə və ya ilk altılığa qədəm qoyacaq. Beləki, qarşıdakı turda turnir cədvəlində liderlik edən "Neftçi” autsayder MOİK klubunu qəbul edir və "ağ-qara”ların hakimin  final fitindən sonra meydandan üç xalla ayrılacağı hamıya məlumdur. Hər halda hərbiçilərin "Neftçi”yə müqavimət göstərəck gücdə olmaması fikri ilə razılaşmaq lazımdır. Belədə "Neftçi” xalını 48-ə çatdıraraq turnir cədvəlinin ilk pilləsini qorumuş olacaq. "Xəzər Lənkəran” komandası əzəli rəqibin qələbəsindən sonra, "İnter”lə oyundan istənilən hesabla ayrılmasından asılı olmayaraq ikinci pillədə qərarlaşacaq. Amma qələbə hesabına "Neftçi” ilə arasındakı xal fərqini minimumda saxlaya biləcəyini də xüsusi qeyd etmək lazımdır.

Növbəti turda turnir cədvəlinin ilk altılıq üzrə son iki pilləsi uğrunda da gərgin mübarizə gedəcək. 5-ci və 6-cı yerlərdə qərarlaşan AZAL və "Bakı” oyununda daha çox "ləkəli kubok”un sahibləri canfəşanlıq edəcəklər. Çünki, bu oyuna onların xal itkisi ilə qaşılaşacaqları təqdirdə, "Qəbələ” öz  meydanında "Gəncə”yə qalib gələrək ilk altılıqda yer ala bilər...