Rumınya mətbuatına açıqlama verən Mirça Rednik,  iki futbolçunun "Xəzər Lənkəran” a gəlməkdən imtina etməsinə narahatçılıq keçirdiyini dilə gətirib. Onlardan biri "Dinamo” klubunun futbolçusu Marius Nikulae,  digəri isə "Styaua” klubunun oyunçusu Andrey İoneskudur. Rumınyanın "Fanatik” jurnalına müsahibəsində Rednik bunları deyib: "-Mən Nikulae ilə üç dəfə görüşüb bütün detalları razılaşmışdım və əl verib görüşmüşdüm. Amma son  anda onun fikrini dəyişməsi mənə qəribə gəldi. Andrey İoneskonun mənim komandamdan imtina edərkən gətirdiyi bəhanələr isə çox yersizdir. Onun hələ Türkiyə və ya Rusiya klublarında oynaması mümkün deyil.  O bəlkə lap "Çelsi”də oynamaq da istəyəcək ...”