"Futbol da bir dünyadır” deyimi, həqiqətən də çox gözəl bir deyimdir. Biz futbolsevərlər idmanın şahı adlandırdığımız bu idman oyununda nələr görməmişik, dilə gətiriləsi olmayan hansı həyəcanları yaşamamışıq. Hərənin sevdiyi bir klub var ki, onunla yaşayır, fəxr edir, öyünür, ona nəğmələr qoşur.

          Lakin "Xəzər lənkəran” azarkeşləri də özünəməxsusluğu ilə seçilir, onu "Sən bizim qürurumuzsan!” deyə qürürlanır, "öncə vətəni, sonra səni sevdik!” deyə sevgisini izhar edir, start fitindən, final fitinə qədər inanılmaz dəstək nümayiş elətdirir, harada oynamasından asılı olmayaraq onu yalnız buraxmır, gününün çox hissəsini komandası haqda düşünür, söhbətlərinin əsas hissəsini komandasına ayırır, ona əks gedənlərin yerindəcə cavabını verir, istənilən sivil yolla doğma komandasını müdafiə edir və sair. Ən yaxınına və ən əzizinə olan münasibətini "Xəzər Lənkəran”dan əsirgəmir. Bu böyük ailənin möhkəmliyi və böyüklüyünün sirri də bundadır. Bu günə qədər "Xəzər Lənkəran”a çox mahnılar qoşulub, çox şüarlar səsləndirilib. Amma "Xəzər Lənkəran”ın cənub bölgəsini təmsil etdiyini nəzərə alaraq və bu bölgənin digər məşhur xalq mahnilarından biri olan "Ay Lolo” xalq mahnısının musiqisi üzərində qurulmuş, sözləri isə "Xəzər Lənkəran”a aid olan bir mahnını oyun zamanı bütün azarkeşlər bir ağızdan oxusalar, stadion necə də doğma və möhtəşəm bir "havaya” qərq olar. Bu mahnını hamı bildiyi üçün onun həyata keçirilməsi də yəqin ki çətin olmaz. Bu xalq mahnısının musiqisinə Mirhafiz Babayevin yazdığı sözləri, azarkeşlərin müzakirəsinə buraxmaq, onların istəyi ilə dəyişikliklərin edilməsi, nəhayət belə bir özəlliyə də sahib olmamız bizcə, oyunlar zamanı çox xoş bir ovqata gətirib çıxarar və bu da komandamıza özəl bir dəstək olar. Beləliklə, hamının əzbər bildiyi "Ay lolo” aşağıdakı sözlərlə sisin müzakirənizə verilir. Gəlin bu işi "Neftçi” ilə oyuna qədər tamamlayaq və bu mahnının sədaları altında əzəli rəqibimizi məğlub edək.

      Qə-lə-bə-lə-rin sirri məndədir,

      "Xə-zə-rim” çıxıbdır çəməndədir!

       Qə-lə-bə-lə-rin sirri məndədir,

      "Xə-zə-rim” çıxıbdır çəməndədir!

      Oyun başlanır, Nənəle,

      Fanat xoşlanır Nənəle,

      "Xə-zə-ri-min” hücumları,

      Rəqibə tuşlanır Nənəle,

      Rəqibə tuşlanır Nənəle.

      P-a-s ve-rir oyunçu-oyunçuya,

      "Xə-zə-rim” bənzəyir bir ovçuya,

      P-a-s ve-rir oyunçu-oyunçuya,

      "Xə-zə-rim” bənzəyir bir ovçuya.

      Bu gün bizim şi-ka-rı-mız,

      Xoflandı çaşdı Nənəle,

      Geriyə qaçdı Nənəle.

      "Xəzər” dəqiq zərbə vurub,

      Hesabı açdı Nənəle,

      Hesabı açdı Nənəle.

     "Xə-zə-rim” top qovur ərən-ərən!

     Rə-qi-bi salmışıq pərən-pərən.

     "Xə-zə-rim” top qovur ərən-ərən!

     Rə-qi-bi salmışıq pərən-pərən.

     Rəqib çox çaşıb Nənəle,

     Bir yerə toplaşıb Nənəle.

     Azarkeşlərin sevinci,

     Həddini aşıb Nənəle,

     Həddini aşıb Nənəle...

Mənbə:boman.at.ua