Mirça Redniki haqsız yerə tribunya qovan baş hakim Anar Salmanovu çox da qınamaq olmaz. Çünki onun arxasında qalanlar və ona belə hakimliyi məsləhət görənlər vardır. Məhz onun arxasında qalanlar telekanllarda yayımlanacaq futbol verilişlərində, tapşırıqları sözsüz yerinə yetirən Salmanova bəraət qazandırmaqdan belə çəkinməyəcək və utanmayacaqlar. 

"Neftçi” klubunun tarixi var. Biz sovetlər dönəmində məhz "Neftçi”yə azarkeşlik etmişik. Elə indi də avro turnirlərdə də Azərbaycanı şərəflə təmsil etməsini istəyirik. Əgər "ağ-qara”lar avro turnirlərdə mübarizə aparmağa vəsiqə qazanarlarsa biz də tirbunalardan "Neftçi”yə dəstək olacağıq. 

Amma futbol qurumları premyer liqa və kubok oyunlarında qeyri obyektiv hakimliklə ölkənin ən yaşlı klubunu insanların gözündən salır. Hər mövsüm 10-dəfələrlə oyunun gedişində  "Neftçi” klubunun xeyrinə saxta penaltilər verildikcə "Neftçi”yə qarşı cəmiyyətdə pis fikir yaranır. Digər klublara xüsusən də "Xəzər Lənkəran” klubuna qarşı qərəzli münasibət isə gündən günə artmaqdadır. Bu ögey - doğma münasibət ölkə futbolunun inkişafına heç bir vəclə xidmət edə bilməz.

Martın 3-də T.Bəhrəmov satdionunda keçirilən "Neftçi” – "Xəzər Lənkəran” oyununda  açıq aşkar görünürdü ki, hakim yersiz cərimə zərbələri təyin etməklə "Neftçi”nin futbolçularına yardım edirdi.  Oyunun hər iki hissəsində cərimə zərbələrinin böyük əksəriyyəti braziliyalı futbolçu Flaviniyonun hesabına  təyin olunurdu. Halbuki aşkar şəkildə futbolçunun artistliyi görünürdü. Hakim isə etiraz edən qonaq komandanın futbolçularına sarı kart verməkdən çəkinmir və tapşırığa canla başla əməl edirdi. Matçın ikinci hissəsində "Neftçi”nin futbolçularına sarı kart vermək cəhdləriylə isə özünün obyektiv hakim olduğunu göstərməyə çalşırdı.

 Təəsüf edirik ki, bütün ölkənin izlədiyi futbol oyununda ayrıseçkilik eyni zamanda telekanalın aparıcısının danışıqlarrında da hiss olunurdu. Bütün rüsvayçılıqlara  görə  ayıb olsun sizə, ayıb işin nə olduğunu bilməyənlər !